Chunox is en Gemeen in’n Distrikt Corozal von dat Land Belize.
Geografie
De Oort liggt an de Laguna Seca, de von’n John Piles Creek dörflaten warrt. De Küst von de Bucht von Chetumal liggt dree Kilometer in’n Noordoosten.
De Naveröörd sünd Copper Bank in’n Noorden, Sarteneja in’n Noordoosten, Fire Burn in’n Süüdoosten, Little Belize in’n Süden, Progresso in’n Süüdwesten, Libertad in’n Westen un San Joaquin in’n Noordwesten.
Historie
De Inwahners sünd vör allen Maya un Mestizen un snackt Spaansch un Engelsch.
Inwahnertall
| Johr |
Inwahners
|
| 2000-00-002000[1] |
1.058 Lüüd, 175 Huushollen
|
| 2010-00-002010[2] |
1.375 Lüüd, 234 Huushollen
|
Weertschop un Infrastruktur
An de Küst von de Karibische See bi Chunox liggt de Feernanlaag von Orchid Bay.
2018 hett in Chunox en Poliklinik apenmaakt, de de Lüüd in dat Dörp un in de Dörper ümto (Progresso, Sarteneja, Copper Bank, Little Belize, Fire Burn un Neuland) medizinisch versorgen deit.[3]
Verkehr
Von Chunox föhrt en Straat in’n Noordoosten na Sarteneja, in’n Noordwesten över en Fähr na Copper Bank un wieder na Corozal un in’n Süüdwesten na Little Belize un wieder över San Estevan na Orange Walk. Düsse Straten sünd in Corozal un Orange Walk anbunnen an’n Philip Goldson Highway.
De nächste Flegerplatz is de Corozal Airport bi Ranchito.
Scholen
Bi Chunox an de Straat na Sarteneja liggt de St. Viator Vocational High School.
- ↑ Zensus 2000 (PDF) von dat Central Statistical Office of Belize
- ↑ Zensus 2010 (PDF) von dat Statistical Institute of Belize
- ↑ Government of Belize officially inaugurates Chunox Polyclinic, Gesundheitsministerium von Belize an’n 16. Februar 2018
Weblenken
