Carl-Hermann Richter (* 20. August 1830; † 14. Februar 1913) weer en düütschen Koopmann.
Richter is 1830 boren. Sien Vader hett ok Carl-Hermann Richter († 1868) heten un weer Koopmann un Afornten för Buxthu in de Hannöversche Stännversammlung. Carl-Hermann Richter junior hett na’n Dood von sien Vader de Geschäften övernahmen un ünner annern 1890 in Buxthu de Ünnerelvsche Beerbroeree grünnt, de aver al 1895 wedder pankrott gahn is. Von 1884 bet 1890 weer Richter Vörsitter von dat Börgervorsteiherkollegium un von 1884 bet 1893 Afornten in’n Kreisdag von’n Kreis Jörk.
An’n 2. Dezember 1912 is he de twete Ehrenbörger von de Stadt Buxthu worrn. In Buxthu is vondaag ok de Carl-Hermann-Richter-Straat na em nöömt.
