1962 wurr Arie den Hartog Dart bi de UCI-Straaten-Weltmeesterschapen in Salo in dat Straatenrennen van de Amateure. 1963 wunn he den Omloop van de Kempen. Een Johr later wurr he Profi un wunn in dat Johr ok de Luxemburg-Rundfohrt, den Grand Prix Belgique un Paris–Camembert. Sien gröttste Erfolg aber weer de Sieg bi Mailand–Sanremo in dat Johr 1965. Twee Johr later, 1967, kunn he ok noch dat Amstel Gold Race up sien Naam schrieven.
1970 hett Arie den Hartog sien aktiv Radsport-Karriere afslooten, nahdem he in dit Johr aber noch de Bargwertung bi de Tour de Suisse wunnen harr. Ansluutend hett he en Fohrradgeschäft apen maakt, dat hüüd in Nieuwstadt sien Sitt hett
