Appel (hoochdüütsch Appel) is en Oort in de Gemeen Helsch (Samtgemeen Fintel) in’n Landkreis Rodenborg, Neddersassen. De Oort höört polietsch al von öllers bi Helsch mit bi.
Geografie
Appel liggt an’n Rehrbeek.
De Naveröörd sünd Zittens un Tiss in’n Noorden, Borgzittens, Avensermoor un Everstörpermoor in’n Noordoosten, Wümm un Königsmoor in’n Oosten, Stemmen un Stemmerfeld in’n Süüdoosten, Rehr in’n Süden, Helsch in’n Süüdwesten, Sootel in’n Westen un Homersen in’n Noordwesten.
Historie
Verwaltungsgeschicht
In de Franzosentied von 1810 bet 1814 hett de Oort to de Mairie Groot Zittens in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Böörd Zittens in dat Amt Zeven tohöört un denn von 1852 bet 1885 to dat Amt Rodenborg. Na 1885 weer dat in’n Kreis Rodenborg. 1977 is dat Deel von’n ne’en, grötteren Kreis Rodenborg worrn.
Inwahnertall
| Johr |
Inwahners
|
| 1793-00-001793[1] |
1 Füürsteed
|
| 1824-00-001824[2] |
1 Füürsteed
|
| 1848-00-001848[3] |
18 Lüüd, 2 Hüüs
|
| 1871-12-011. Dezember 1871[4] |
17 Lüüd, 2 Hüüs
|
Religion
Appel is evangeelsch-luthersch präägt un höört to dat Kaspel von de Martin-Luther-Kark in Lauenbrüch, de 1955 bet 1957 boot un 1970 egenstännige Karkengemeen worrn is. Vörher hett de Oort to dat Kaspel von de Lucas-Kark in Scheeßl höört.
För de Kathoolschen is de Corpus-Christi-Kark in Rodenborg tostännig.
Weertschop un Infrastruktur
Verkehr
Appel is över lüttjere Straten verbunnen mit de Landsstraat 130, de in’n Noorden över Homersen na Zittens löppt un in’n Süden na Scheeßl an de Bundsstraat 75. Över Stemmen is de Oort verbunnen mit de K 226, de in de Neegd von Stemmen an de B 75 ran geiht, de in’n Noordoosten na Töst un Bookholt löppt un in’n Süüdwesten över Scheeßl na Rodenborg.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so söven Kilometer in’n Noorden von Appel.
De nächste Bahnhoff is so bi söven Kilometer wied weg in’n Süüdoosten de Bahnhoff Lauenbrüch an de Bahnlien Hamborg–Bremen.
- ↑ Christoph B. Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. 1791, Sied 10: https://books.google.de/books?id=jN5QAAAAcAAJ&pg=RA1-PA10
- ↑ C. H. Jansen: Statistisches Handbuch des Königreichs Hannover. 1824, Sied 22: http://books.google.de/books?id=tG0AAAAAcAAJ&pg=RA1-PA22
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 140: http://books.google.de/books?id=eOI-AAAAcAAJ&pg=PA140
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 168: https://books.google.de/books?id=qTZDAQAAMAAJ&pg=RA2-PA168
