Vör 1852 weer dat Dörp in de Böörd Mulsen binnen dat Amt Harsfeld. De Böörd Mulsen is 1852 in dat Amt Stood wesselt, dat 1859 Deel von dat Amt Himmelpoorten worrn is. Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
Dat Wapen wiest op sülvern Grund en gröön Espentelg mit dree Bläder, de pielliek steiht.
De Espentelg steiht för den Naam von’n Oort, de von dat ooldsassischeEspa för Esp afkamen schall. Dat Dörp hett dat Wapen dör Erlass von dat Neddersassische Binnenministerium an’n 3. Dezember 1952 kregen.
För de Kathoolschen weer von 1968 bet 2003 de Lukas-Kark in Freenbeek tostännig. De Kark is denn dichtmaakt worrn, üm Geld to sporen. Vondaag höört de Oort to de Karkengemeen von de Hillig-Geist-Kark in Stood. En annere kathoolsche Kark in de Ümgegend is de Michael-Kark in Harsfeld.
Kultur
En Denkmaal för de Fullenen ut de twee Weltkrieg’ steiht bi’n Karkhoff.
De eerste Volksschool hett Aasp 1854 kregen. 1910 is en nee Schoolhuus boot worrn. Vondaag hett de Oort bloot noch en Speelkreis un keen egen School mehr.
