အစားသာ ကုန်အောင်စား၊ စကားကို အကုန်မပြောနှင့် သည် မြန်မာဆိုရိုးစကား ဖြစ်သည်။[၁]
အဓိပ္ပာယ်
အစားသာ အကုန်စား၊ စကားကို အကုန်မပြောနှင့်: အစားအစာကို ကုန်အောင် စားသင့်သော်လည်း မိမိ၏ စိတ်တွင်း၌ ရှိသော စကားအားလုံးကို အခြားသူများအား ထုတ်ဖော်ပြောဆိုရန် မသင့်တော်ပါ။
ဆိုလိုသည်မှာ အစားအစာကို ဖြုန်းတီးခြင်း မပြုသင့်သကဲ့သို့ စကားကိုလည်း အလွန်အကျွံ ပြောဆိုခြင်းကို ရှောင်ရှားသင့်ကြောင်းကို ဖော်ပြသည်။ အစားအစာကို ကုန်အောင်စားခြင်းသည် အစားအစာကို တန်ဖိုးထားခြင်းနှင့် ဖြုန်းတီးမှု လျှော့ချခြင်းကို ကိုယ်စားပြုသည်။ စကားကို အကုန်မပြောခြင်းသည် စကားပြောရာတွင် သတိထားဆင်ခြင်ရန်၊ လျှို့ဝှက်ထားသင့်သော အရာများကို ထုတ်ဖော်မပြောရန်နှင့် အခြားသူများ၏ အထင်အမြင်လွဲမှားမှုကို ရှောင်ရှားရန် အရေးကြီးကြောင်းကို ကိုယ်စားပြုသည်။ ဤဆိုရိုးစကားသည် အရာရာကို သင့်တင့်လျောက်ပတ်စွာ ပြုမူရန် အရေးကြီးကြောင်းကို အလေးပေးဖော်ပြသည်။
ကိုးကားချက်များ
- "ထမင်းကိုအကုန်စား၊ စကားကို အုကန်မပြောနှင့် ဟူ၍ ရှေးသူကြီးတို့ ပြောဆိုကြလေကုန်သည်။ စကားအကုန်ပြောဆိုသူ၏ ဝမ်းတွင်းအကြံအစည်ဟူ သမျှတွေကို အကုန် သိရှိ၍ ထိုသူ၏အကြံအစည်ကို အထမမြောက်လေအောင် ပိတ်ပင်လိုသော်လည်း ပိတ်ပင်နိုင်လေ၏။" [၂]
- "လူ့ဘဝ လူ့လောကထဲ၌ ထမင်းကို အမှတ်တရပြု၍ ဆိုထုံးဆိုရိုး စကားပုံများ တွင်လျက်ရှိလေသည်။… ထမင်းကိုသာ အကုန်စား၊ စကားကိုအကုန်မပြောနှင့်၊" [၃]
ကိုးကား
- ↑ မြန်မာဆိုရိုးစကား (ပထမအကြိမ် ed.)။ မြန်မာစာအဖွဲ့ဦးစီးဌာန။ အောက်တိုဘာ ၁၉၉၆။
- ↑ [၁၂၇၅] စာဏကျ၊ ဒု။ ၃၁။
- ↑ [၁၃၃၀] မြဝတီ၊ ၁၆၊ ၁၀။ ၃၁။
