Горилла, элжимч (Gorilla) нь одоо амьдарч буй приматуудаас хэмжээгээрээ хамгийн том төрөл. Газрын амьтан бөгөөд голдуу ургамлаар хооллодог тус мич нь төв Африкийн ойд тархан амьдарна. Гориллын төрөл дотроо хоёр зүйл, 4 буюу 5 дэд зүйлд хуваагддаг. Гориллын ДНХ хүнийхтэй тун төстэй бөгөөд 95–99% нь ижил байдаг, хүний хувьд бонобо буюу одой шимпанзе, ердийн шимпанзе нарын дараа орох ойрын садан билээ.