Шарл Де Кетеларе

Шарл Де Кeтеларе
Лични податоци
Полно име	Шарл Де Кетеларе
Роден на	10 март 2001(2001-03-10) (23 г.)
Роден во	Бриж, Белгија
Држава	Белгија
Висина	1.92 м[1]
Позиција	среден ред
Клупски податоци
Сегашен клуб	Аталанта
Број	17
Младинска кариера
2008–2019	Клуб Бриж
Кариера*
Години	Клуб	Наст.	(Гол.)
2019–2022	Клуб Бриж	90	(19)
2022–	Милан	32	(0)
2023–	→ Аталанта	29	(7)
Репрезентација ^‡
2017	Белгија 16	4	(1)
2018	Белгија 17	1	(0)
2019	Белгија 19	6	(3)
2020–	Белгија 21	6	(1)
2020–	Белгија	14	(2)

Шарл Де Кетеларе (роден на 10 март 2001 во Бриж, Белгија) — белгиски фудбалер, играч од средниот ред или напаѓач на Аталанта и на белгиската репрезентација.

Клупска кариера

Клуб Бриж

Шарл Де Кетеларе ја започнал својата кариера во Клуб Бриж, на кој му се приклучил на 7-годишна возраст. Тој, исто така, играл тенис како млад, но избрал да се занимава со фудбал.^[2]

Своето деби го направил на 25 септември 2019 година, играјќи против екипата на Франс Боренс во Купот на Белгија.^[3]

На 22 октомври 2019 година, тој го направил своето деби во Лигата на шампионите против Париз Сен Жермен. Тој го започнал натпреварот и бил заменет во 57-мата минута при резултат од 1–0 за французите, за на крајот истиот да заврши со пораз на Клуб Бриж од 5–0.^[4]. На 5 февруари 2020 година, го постигнал првиот гол во кариерата во победата со 2–1 против Зулте Варегем.^[5].

На 20 октомври 2020 година, Де Кетеларе го постигнал победничкиот гол за Бриж во 93-тата минута, во победата со 2–1 над Зенит Санкт Петербург во групната фаза на Лигата на шампионите.^[6]

Милан

На 2 август 2022 година, Де Кетеларе му се приклучил на клубот од Серија А, Милан со договор до 30 јуни 2027 година^[7].

Аталанта

На 16 август 2023 година, Де Кетеларе се преселил во Аталанта на позајмица со право на откуп.^[8] На 20 август 2023 година, Де Кетеларе влегол од клупата за резерви за време на натпреварот на Аталанта против Сасуоло, погодувајќи ја пречката пред конечно да го одбележи својот деби гол во Серија А со прецизен удар со глава;^[9] Натпреварот завршил 2–0 за Ла Деа.^[10]

Репрезентативна кариера

Шарл де Кателаре своето деби за репрезентацијата на Белгија го направил во ноември 2020 година, во поразот од Швајцарија^[11]. На 10 октомври 2021 година, тој го постигнал својот деби репрезентативен гол во поразот за третото место на Белгија од Италија за Лигата на нации со резултат од 2–1.

Статистика

Клупска статистика

Статистиката е ажурирана на 21 април 2024.

Сезона	Клуб	Првенство			Национален куп			Континентален куп			Останати купови			Вкупно
		Лига	Наст	Гол	Лига	Наст	Гол	Лига	Наст	Гол	Лига	Наст	Гол	Наст	Гол
2019-2020	Клуб Бриж	ПЛ	13	1	КБ	6	1	ЛШ+ЛЕ	4+2	0	-	-	-	25	2
2020-2021		ПЛ	32+6[12]	3+0	КБ	1	0	ЛШ+ЛЕ	6+1	2+0	-	-	-	46	5
2021-2022		ПЛ	33+6[12]	14+0	КБ	3	4	ЛШ	6	0	СБ	1	0	49	18
Вкупно Клуб Бриж			78+12	18		10	5		19	2		1	0	120	25
2022-2023	Милан	А	32	0	КИ	1	0	ЛШ	6	0	СИ	1	0	40	0
2023-2024	Аталанта	А	29	7	КИ	2	2	ЛЕ	8	2	-	-	-	39	11
Вкупно во кариерата			151	25		13	7		33	4		2	0	199	36

Репрезентативна статистика

Репрезентација	Година	Настапи	Голови
Белгија	2020	1	0
	2021	3	1
	2022	7	0
	2023	3	1
	2024	6	0
Вкупно		20	2

Титули

Клупски

Клуб Бриж

• Белгиско првенство : 3

2019–2020, 2020–2021, 2021–2022

• Суперкуп на Белгија : 1

2021

Наводи

1. „Charles De Ketelaere“. Club Brugge (француски). Архивирано од изворникот 4 November 2021. Посетено на 6 December 2021.
2. „Is De Ketelaere Belgium's new De Bruyne?“. Архивирано од изворникот 19 October 2021. Посетено на 19 October 2021 – преку www.bbc.co.uk.
3. „Francs Borains v Club Brugge game report“. Soccerway. 25 September 2019. Архивирано од изворникот 30 October 2020. Посетено на 30 October 2019.
4. „Club Brugge v PSG game report“. Soccerway. 22 October 2019. Архивирано од изворникот 29 April 2021. Посетено на 30 October 2019.
5. „Club staat in de bekerfinale met dank aan gouden invaller De Ketelaere“. sporza.be (холандски). 5 February 2020. Архивирано од изворникот 22 October 2020. Посетено на 20 October 2020.
6. „Club Brugge stun wasteful Zenit with late winner“. ESPN. 20 October 2020. Архивирано од изворникот 16 September 2021. Посетено на 20 October 2020.
7. „Charles De Ketelaere joins AC Milan: official statement“. AC Milan (англиски). Посетено на 2022-08-02.
8. „CHARLES DE KETELAERE IS AN ATALANTA PLAYER!“. Atalanta BC. 16 August 2023. Посетено на 16 August 2023.
9. „De Ketelaere scores less than 40 minutes into his Atalanta debut“. OneFootball (англиски). 2023-08-20. Посетено на 2023-09-22.
10. „De Ketelaere and Zortea seal victory over Sassuolo – Atalanta“. Atalanta BC (англиски). 2023-08-20. Посетено на 2023-09-22.
11. „Belgium 2-1 Switzerland“. BBC. Архивирано од изворникот 25 January 2021. Посетено на 11 November 2020.
12. Во плејофот.

Надворешни врски

• Шарл Де Кетеларе на soccerway