Хуан Карлос Наваро Феихо (роден на 13 јуни 1980, во Сент Фелиу де Лобрегат, Барселона), познат под прекарот "Ла Бомба" (Бомба), е професионален шпански кошаркар. 1.92м. високиот кошаркар m (6 ft 3 3⁄4 in) моментално игра за шпанскиот кошаркарски тим Барселона и капитен е на шпанскиот национален кошаркарски тим.
Професионална кариера
КК Барселона
Нваро започна да игра за Барселона уште од времето кога беше тинејџер, имајќи го својот прв настап на 23 ноември 1997, на 17-годишна возраст. Истата година тој беше избран да игра за Најк Хуп Самит, но тој остана во Европа играјќи за професионалниот тим Барселона. Тоа е причината поради која тој не беше повикан во шпанската репрезентација кој го освои АСТ турнирот во Манхејм во 1998 година.
Со присуството на Дејан Бодирога и Грегор Фучка во 2003, КК Барселона ги освои сите турнири на кои играше таа година. Тоа беше одлична година за тимот. Тоа беше првиот пат кога Барселона ја освои Евролигата. Со освојувањето на Шпанската АЦБ лига, шпанскиот кралски куп, и Евролигата 2002-03 година, Барселона ја освои посакуваната Тројна кошаркарска круна.
Со Барселона, Наваро го освои АЦБ првенството 5 пати, и тоа во 1999, 2001, 2003, 2004, и 2009. Исто така со тимот на Барселона го освои шпанскиот кралски куп 4 пати, во 2001, 2003, 2007, 2010, шпанскиот супер куп во 2007 и 2010, Корак Куп првенството во 1999, и Евролигата 2002-03.
Наводи
