Рами Малек (роден на 12 мај 1981 г.) — американски глумец.[2] Тој е најпознат по толкувањето на главната улога Елиот Алдерсон во критички признаената телевизиска серија Мистер Робот, за која добил награда од филмските критичари, како и номинации за наградите Еми, Златен глобус, и наградата на здружението на филмски критичари.
Малек е роден во Лос Анџелес, Калифорнија од египетски родители.[3] Неговиот покоен татко бил туристички водич во Каиро.[4] Неговата мајка е сметководител.[5] Малек има идентичен брат близнак кој се вика Сами; Рами е постар четири минути. Тој исто така има постара сестра која е докторка. Малек се школувал во средното училиште Нотр Дам во Лос Анџелес каде дипломирал во 1999 година заедно со глумицата Рејчел Билсон.[6] Во средното училиште тој учел заедно со Кирстен Данст, која била една година помлада и заедно со него посетувала часови по музички театар. Тој ја добил својата диплома за ликовни уметности во 2003 година од Универзитетот Евансвил во Евансвил, Индијана.[7]
