Кожниот систем ги опфаќа кожата и додатоците на кожата кои дејствуваат за да го заштитат телото од разни видови оштетувања, како што се губење на вода или оштетување однадвор. Тука се вклучени и влакна, крлушки, пердуви, копита и нокти. Има најразлични дополнителни функции; може да послужи за водоотпорност и да ги заштити подлабоките ткива, да екскретира отпад и да ја регулира телесната температура и е место за прицврстување за сетилни рецептори за откривање на болка, сензација, притисок и температура. Кај повеќето копнени ’рбетници со значителна изложеност на сончева светлина, овој систем исто така овозможува и синтеза на витамин Д.
Кожа
Кожата е најголемиот орган на телото. Кај луѓето, тоа опфаќа околу 12 до 15 проценти од вкупната телесна тежина и опфаќа 1,5-2м 2 од површината.[1]
3Д слика која го покажува кожниот систем.
Човечката кожа (integument) е составена од најмалку два главни слоја на ткиво: епидермисот и дермисот . (Хиподермисот или поткожниот слој не е дел од кожата).. Епидермисот е најповршниот слој, обезбедувајќи ја почетната бариера за надворешното опкружување. Одделено е од дермисот со мембрана. Епидермисот содржи меланоцити кои даваат боја на кожата. Најдлабокиот слој на епидермисот, исто така, содржи нервни завршетоци. Под ова, дермисот се состои од два дела, папиларните и ретикуларните слоеви и содржи сврзно ткиво, крвни садови, жлезди, фоликули, корени на влакната, сетилни нервни завршетоци и мускулно ткиво.[2] Најдлабокиот слој, хиподермисот, првенствено е составен од масно ткиво . Значителните снопови со колаген го прицврстуваат дермисот до хиподермисот на начин што им овозможува повеќето области на кожата да се движат слободно низ подлабоките слоеви на ткивата.[3]
Епидермисот
Епидермис и дермис на човечка кожа
Епидермисот е горниот слој на кожата составена од епителни клетки . Не содржи крвни садови. Неговите главни функции се заштита, апсорпција на хранливи материи и хомеостаза. Структурно, се состои од кератинизиран стратификуван сквамозен епител; четири типа на клетки: кератиноцити, меланоцити, клетки на Меркел и клетки на Лангерханс. Главната клетка на епидермисот е кератоноцитот, кој произведува кератин, фиброзна белковина што помага во заштитата на кожата. Огромна количина на кератин може да предизвика болест со тоа што ќе предизвикаат ерупции од кожата што ќе се испакнат нанадвор и ќе доведат до инфекција. Кератинот е, исто така, водоотпорна белковина. Милиони мртви кератиноцити се отфрлаат дневно. Поголемиот дел од кожата на телото е кератинизирана. Единствената кожа на телото што е не-кератинизирана е поставата на мукозните мембрани, како што е внатрешноста на устата. Не-кератинизирани клетки ѝ овозможува на водата да „остане“ на врвот на структурата.
Дермис
Дермисот е средниот слој на кожата, составен од густо неправилно сврзно ткиво и аороларно сврзно ткиво како што е колаген со еластин наредени во дифузно снопчеста шема. Дермисот има два слоја. Едниот е папиларен слој кој е површен слој и се состои од аороларно сврзно ткиво. Другиот е ретикуларниот слој кој е длабок слој на дермисот и се состои од густо неправилно сврзно ткиво. Овие слоеви служат за да дадат еластичност на кожниот систем, овозможувајќи истегнување и флексибилност, истовремено и за да се спротивставуваат на нарушувањата, брчките и олабавувањето на кожата.[2] Во дермалниот слој се наоѓаат краевите на крвните садови и нервите. Многу хроматофори се исто така сместени во овој слој, како и рожестите творби на кожата како што се влакната, пердувите и жлездите .
Хиподермис
Хиподермисот, познат како поткожен слој, е слој кој се наоѓа под кожата. Прикачен е за дермисот, кој е веднаш над него, со влакна на колаген и еластин. Во суштина е составена од еден вид на клетки познати како адипоцити специјализирана за акумулирање и складирање на маснотии. Овие клетки се групираат заедно во лобули одделени со сврзно ткиво.
Хиподермисот делува како енергетски резерват. Маснотиите содржани во адипоцитите може да се вратат во крвотокот, преку вените, при интензивен напор или кога има недостаток на материи што обезбедуваат енергија, и потоа се претвораат во енергија. Хиподермисот учествува, пасивно барем, во терморегулација бидејќи маснотиите се топлински изолатор.
Функции
Кожниот систем има повеќе улоги во хомеостазата . Сите телесни системи работат на меѓусебно поврзан начин за одржување на внатрешните услови неопходни за функцијата на телото. Кожата има важна улога во заштита на телото и делува како прва линија на одбрана на телото од инфекција, промена на температурата и други предизвици за хомеостазата. Функциите вклучуваат:
Заштита на внатрешните живи ткива и органи на организмот
