Курски Залив

Курскиот Провлак и Курскиот Залив.

Курски Залив (руски: Куршский залив, литвански: Kuršių marios, полски: Zalew Kuroński, германски: Kurisches Haff, латвиски: Kuršu joma) — слатководна лагуна одделена од Балтичкото Море со Курскиот Провлак. Зафаќа површина од 1.619 км².^[1] Околу 90 % од дотекот на вода доаѓа од реката Неман.^[2]

Human history

Во XIII век подрачјето околу лагуната било дел од земјата на староседелските Курши и Пруси. Подоцна се тоа граничело со историската област Мала Литванија. На северниот крај на провлакот има отвор кон Балтичкото Море, и на ова место Тевтонските витези во 1252 г. го основале своето упориште Мемелбург и градот Мемел, наречен Клајпеда во меѓувоениот и повоениот период кога оваа област ѝ е одземена на Германија и доделена на Литванската ССР.

Новата меѓувоена државна граница одела по реката која се влева во заливот кај Русне (Ruß). Долните 120 км од течението во Германија се нарекувале Мемел, а горниот дел во Литванија е Неман, на соодветниот јазик. Границата го двоела и полуостровот близу малото одморалишно место Нида (Nidden); јужниот дел на Курскиот Провлак и заливот останале во Германија сè до 1945 г.

Оваа граница денес е граница помеѓу Русија и Литванија, бидејќи германскиот дел јужно од реката (тогаш во Источна Прусија) со градот Кенигсберг станал ексклавата на Русија наречена Калининградска Област.

Курсениеки

Денес Курсениеките се речиси изумрен балтички народ кој живее долж Курскиот Провлак, но во 1649 г. нивните населби се протегале од Мемел (Клајпеда) до Данциг (Гдањск). Со време тие се асимилирале со Германците, освен на Курскиот Провлак, каде и денес имаат скромно присуство. Сè до осамостојувањето на Латвија по Првата светска војна, Курсениеките биле сметани за Латвијци поради јазичната сличнсст. По оваа основа Латвијците полагале право на Курскиот Провлак, Мемел и други територии во Источна Прусија, но подоцна се откажале од тој пристап.

Природа и екологија

Едреник во Курскиот Залив.

Курскиот Залив настанал околу 7.000 години п.н.е. и претставува слатководна лагуна.^[3] Просечната длабочина изнесува 3,8 м.^[4] Се одликува со голем степен на биоразновидност, иако страда од загадување на водата.^[3]

Поврзано

• Вислански Залив
• Курски Провлак
• Неман

Наводи

1. „Curonian Lagoon“. Encyclopædia Britannica. Посетено на 17 октомври 2009.
2. I. Ethem Gönenç, Angheluta Vadineanu (2008). Sustainable Use and Development of Watersheds. Springer. ISBN 978-1-4020-8557-4.
3. „Site name:Lithuanian coastal site“. Vilnius University Ecological Institute. Архивирано од изворникот на 20 јули 2011. Посетено на 17 октомври 2009.
4. „Toxic cyanobacteria blooms in the Lithuanian part of the Curonian Lagoon“ (PDF). Institute of Oceanology of the Polish Academy of Sciences. Посетено на 17 октомври 2009.

Надворешни врски

„Курски Залив“ на Ризницата ^?

• Курски Залив на GenWiki (германски)
• Курски Залив Архивирано на 9 ноември 2020 г. — Голема руска енциклопедија (руски)

55°05′34″N 20°54′59″E