Бурџ Доха, позната и како КулаДоха ( арапски : برج دوحة) и претходно именувана како Бурџ Катар и Доханска висококатна деловна зграда,[4] е иконска висока кула сместена во Западниот Залив, Доха, Катар. На 18 октомври 2012 година, зградата ја добила наградата „CTBUH Облакодерска награда“ за најдобрата зграда во светот од страна на CTBUH (Совет за високи згради и урбано живеалиште).[5] Деловната зграда од 125 милиони долари, дизајнирана од францускиот архитект Жан Нувел, има висина од 238 метри, со 46 катови.
Во 2004 година, проектот за првпат бил именуван како Висококатна деловна зграда[6] и по завршувањето на изградбата во 2012 година била брендирана како Бурџ Доха од сопственикот, Н.Е. Шеик Сауд бин Мухамед Ал Тани. Јавноста ја забележала “фаличната форма“ на зградата,[7][8] укажувајќи на она што Нувел го нарекувал „целосно претпоставена мажественост“.[9]
Кулата Доха се состои од 46 катови над земјата, три ката под земја и севкупна подна површина од околу 110.000 м² [10] Нема централно јадро, оставајќи повеќе внатрешен простор на располагање на своите корисници. Дизајнот е уникатен, првиот облакодер со внатрешни армиранобетонски дијаграми колони, кои формираат крст (X) форма што се поврзува со цилиндричната фасада што привлекува очи. Дизајнот ја изразува локалната култура, поврзувајќи ја многу модерната со античките исламски дизајни (Машрабија). Исламските прозорци (стакла) биле дизајнирани да ја засенчат зградата од високите температури, како и непријатниот остаток од песок што се наоѓа на стаклото во целиот регион. Зградата е дизајнирана да одржува канцеларии за деловни активности кои сакаат да работат во разновидната деловна област на Западниот Залив.
Кулата во Доха е во сопственост на шеикот Сауд бин Мухамед Ал Тани, а со него управува Групацијата Хамад Бин Сауд. Во моментов е шеста највисока зграда во Доха.
Особености
Зградата од 125 милиони долари, дизајнирана од францускиот архитект Жан Нувел, има висина од 238 метри, со 46 ката.[11] Услужното јадро е малку вонсредишно за да се зголеми внатрешниот простор и флексибилноста на употреба. Ова било постигнато и со обезбедување на дијаградни столбови од армиран бетон поставени во форма на крст.
Неговата цилиндрична форма потсетува на канцеларијата на нувеловата Торе Глориес деловна зграда во Барселона, која служела како концептуална инспирација за Бурџ Катар.[11] За разлика од зградата на Барселона, фасадата на Бурџ Катар била дизајнирана за локални услови: пригушувачите на светлина биле „изградени од повеќеслојни обрасци кои се повикуваат на древните исламски прозорци дизајнирани да ги засенуваат зградите од сонцето“.
Германската група Линднер го обезбедила пристапниот под на подигнување НОРТЕК за Бурџ. Подните панели, кои се состојат од калциум сулфат, имаат уникатни димензии од 500 х 500 мм и се нанесуваат со специјално покривање отпорно на гребење изработено од галванизирани челични плочи. Покриеноста е ексклузивен дизајн на Линднер. Врвот на цилиндричната зграда, која има база од 45 метри во пречник, е крунисана со купола.
Награди и признанија
Советот, со седиште во Чикаго, за високи згради и урбано живеалиште ја прогласила за најдобра највисока градба на Блискиот Исток и Северна Африка во 2012 година, наведувајќи го начинот на кој цилиндричната зграда користи „антички исламски модели“ во својот дизајн.[11]
На петтото годишно доделување на наградите за архитекти од Блискиот Исток 2012 година, Бурџ ја доблаи наградата „Генерален проект на годината“.[12] Во оваа пригода, Жан Нувел му била претставена посебно изработен модел од мал размер на Бурџ.[13]
Наводи
↑ 1,01,1„Doha Tower“. The Skyscraper Center. Council on Tall Buildings and Urban Habitat. Посетено на 29 март 2020.
↑Philip Jodidio (2007). Architecture in the Emirates. Taschen.
↑„Doha Tower photo gallery“. Projects. Hamad bin Saqud Trading & Contracting Company. Архивирано од изворникот на 2013-03-04. Посетено на 29 март 2020.
.jpg)
