Кралската вила Читралада е сместена во палатата Дусит. Оваа вила била постојана резиденција на кралот Пумипон Адунјадет (Рама IX), монархот со најдолг стаж на Тајланд и кралицата Сирикит. Тој се преселил таму по смртта на неговиот постар брат, кралот Рама VIII во Големата палата. Територијата на палатата, која е опкружена со ров и чувана од кралската стража, ја содржи и школата Читралада, првично основана за децата на кралското семејство и персоналот на палатата. Кралската вила Читралада има железничка станица Читралада, која служела за кралското семејство кое живеело во вилата. Принцот Дипангкорн Расмијоти бил ученик во училиштето Читралада, училиштето се смета за најексклузивно во Тајланд.
Во оваа палата престојува кралицата Мајка Сирикит.
Историја
Главната зграда на палатата била двокатна зграда, изградена во времето на владеењето на Рама VI. Палатата била резиденција на Рама VI, а училиштето Читралада било основано во 1958 година.
На тоа место била изградена фарма за млечни производи и фабрики бидејќи кралот Пумпион Адунјадет бил заинтересиран за земјоделството и земјоделската индустрија. Биле основани и истражувачки центри за земјоделски производи за да обезбедат обука за земјоделците. „Читралада“ се користи како бренд за многу производи од палатата.
Посетителите треба да добијат пропусница за да влезат.
