Клара Вестхоф, портрет од Пола Модерсон-Бекер, 1905 година
Клара Вестхоф (21 септември 1878 година во Бремен – 9 март 1954 година во Фишерхуд ), позната и како Клара Рилке или Клара Рилке-Вестоф била пионерска германска жена вајар и уметник. Таа била сопруга на поетот Рајнер Марија Рилке.[1]
Ран живот
На 17 години, Вестхоф отишла во Минхен, каде што посетувала приватно уметничко училиште. Во 1898 година се преселила во Ворпсвед и научила скулптура кај Фриц Мекенсен. Таму се спријателила со Паула Бекер (подоцна Модерсон-Бекер), сликарка. Таа ги продолжила студиите во 1899 година кај Карл Сефнер и Макс Клингер во Лајпциг, а во 1900 година тренирала со Огист Роден во Париз, а исто така ја посетувала Академијата Колароси.[2]
Личен живот
Во 1901 година се омажила за поетот Рајнер Марија Рилке во Ворпсвед. Осумнаесет години подоцна, таа се преселила во Фишерхуд со нејзината ќерка Рут Рилке. Нејзиниот дом таму со студио подоцна станал „Кафе Рилке“, кое постои и денес.
Кариера
До 1925 година, Вестхоф се свртела кон сликарството, така што, покрај нејзината вајарска работа, создала подеднакво значителен дел од работата и во сликарството.
Смрт
Таа починала во Фишерхуд на 9 март 1954 година.
Наследство
Нејзиното дело било во приватна сопственост или едвај достапно за јавноста во разни збирки.
Со нејзината сеопфатна биографија во 1986 година, Марина Зауер иницирала рехабилитација на уметникот со ослободување на Клара Рилке-Вестоф од мрачното постоење да се гледа само како сопруга на Рилке и како пријателка на Пола Модерсон-Бекер. Клара Рилке-Вестоф денес може да се смета за пионер меѓу жените вајари во Германија.
