Кетрин Долорес Силман (англиски: Katherine D. Seelman) — американски академик, фокусирана на науката, технологијата и јавната политика, особено телекомуникациите. Кетрин е вонреден декан и професор на Факултетот за здравствени и рехабилитациони науки на Универзитетот во Питсбург, таа е ко-научен директор на Истражувачкиот центар за технологија за квалитет на животот, поддржан од Националната научна фондација, а порано била директор на Националниот институт на истражување за попреченост и рехабилитација. Силман била дел од голем број советодавни и уредувачки комитети, вклучувајќи ја нејзината помош на Светската здравствена организација во подготвување на првиот светски извештај за попреченост како еден од деветте меѓународни советници во 2006 година. Во Пенсилванија, таа е член на Државната технолошка здравствена група на Пенсилванија и назначен член на Државниот советодавен комитет за попреченост. Силман, која има оштетен слух, ко-претседава со Работната група за попреченост во округот Питсбург/Алегени.
Силман, која докторирала по јавна политика на Универзитетот во Њујорк во 1982 година, има добиено бројни награди, вклучително и наградата „Златен клуч“ од Американскиот конгрес за медицина за рехабилитација, наградата за истакната јавна служба од Американската академија за физичка медицина и рехабилитација, извонредната Награда за јавна служба од Здружението на академски физијатри и ознаката „Личност што направи разлика“ во 2002 година од Питсбург Пост-Газет.
Надворешни врски
