Иванковски историско-роднокраен музеј (украински: Іванківський історико-краєзнавчий музей) — музеј во Иванков, Киевска Област, Украина, кој бил наводно уништен во руската инвазија на Украина во 2022 година, што довело до загуба на над дваесет дела од сликарката Марија Примаченко.
Историја
Иванковскиот историско-роднокраен музеј бил отворен на 21 февруари 1981 година и се наоѓа на археолошко наоѓалиште од средниот век. Музејот вклучува неколку поставки: за Чернобил, Авганистан и Втората светска војна.[1] Од 2016 до 2018 година музејот бил дограден за да може да ги смести проширувањата кон збирката од неготово основање.[2] Во 2021 година, музејот имал изложба за еврејското наследство од Иванков.[3]
Збирка
Збирката во музејот вклучува дела од сликарката Марија Примаченко и облека од Хана Верес и нејзината ќерка, Валентина.[1] Збирката на музејот исто така вклучува артефакти од археолошкото наоѓалиште и природонаучни артефакти.[1]
Извештаи за уништување
На 27 февруари 2022 година, во текот на Битката кај Иванков, воена операција при руската инвазија на Украина во 2022 година, музејот бил наводно запален, со загуба на над дваесет дела на сликарката Марија Примаченко.[4][5] Директорот на Вишгородскиот историски и културен резерват, Влада Литовченко, ја опишал загубата како „непоправлива“ во објава на друштвените мрежи.[6]
Како одговор на тоа, министерот за култура на Украина, Олександар Ткаченко, побарал поради тоа Русија да биде исфрлена од УНЕСКО.[7] На 28 февруари, Меѓународниот совет на музеи издал изјава во која го осудил „намерното уништување (со пожар)“ на музејот.[8]
Наводи
Надворешни врски
