Градски музеј Хелсинки.Пребарувач на слики во Градскиот музеј Хелсинки.
Градскиот музеј Хелсинки (фински: Helsingin kaupunginmuseo, шведски: Helsingfors stadsmuseum) ― музеј во Хелсинки кој ја документира и прикажува историјата на Хелсинки, главниот град на Финска. Неговата цел е да го забележи и поддржи духовното, материјалното и архитектонското наследство на Хелсинки. Музејот содржи лични спомени и секојдневниот живот на жителите на градот.[1] Тој исто така делува како регионален музеј за средишна Уусимаа со мисија да ги промовира и насочува музејските активности во регионот.
Градскиот музеј Хелсинки се наоѓа веднаш до Сенатскиот Плоштад во најстарите градски блокови.[2] Тој управува и со други четири музеи околу Хелсинки: Вила Хакасалми, Бургеровата куќа, Музеј за работно домување и Трамвајскиот музеј. Влезот во сите музеи е бесплатен.[1]
Збирките на музејот содржат околу милион фотографии, на пример познати фотографии од Хелсинки од почетокот на 20 век од Сигне Брандер и 450,000 предмети.[1]
