Црква „Св. Никола“ - Кореница

Свети Никола
Поглед на црквата
македонска православна црква
Епархија	Преспанско-пелагониска
Архијерејско намесништво	Прилепско
Парохија	Втора кривогаштанска
Местоположба
Координати	41°21′16.1″N 21°19′36.7″E
Место	Кореница
Општина	Кривогаштани
Држава	Македонија
Општи податоци
Покровител	Свети Никола
Завршено	1859
Архитектонски опис
Архит. тип	еднокорабен
Стил	преродбенички

Свети Никола — главна селска црква во прилепското село Кореница, Македонија.^[1]

Црквата се наоѓа на самиот влез во селото Кореница. Околу црквата се наоѓаат селските гробишта.

Местоположба

Црквата е сместена јужно од селото Кореница.^[2]

Историја

Изградена е врз темелите на постара црква и осветена е во 1859 година од митрополитот Венедикт Византиски.^[3] Според други извори, црквата била подигната во 1921 година, а претходно на тоа место имало рушевини од стар храм.^[2]

Архитектура

Претставува еднокорабна, полукружно засводена градба со полукружна апсида на источната страна, разчленета на пет слепи ниши.^[3]

Иконостас

Главна знаменитост во црквата се царските двери од средината XVI век, дело на истакната ликовна работилница која делувала на територијата на Охридската архиепископијата.^[4] Други дела на истата работилница се царските двери на „Пресв. Богородица Перивлептос“ во Охрид (денес во Националниот историски музеј во Софија), дверите од „Големи Свети Врачи“ (денес на иконостасот на „Пресв. Богородица Перивлептос“, дверите од неутврдена црква во Охрид (денес во Народниот музеј во Белград), дверите во „Св. Пантелејмон“ во Горно Нерези, дверите од „Св. Ѓорѓи“ во Горна Влашка Маала во Охрид и дверите од „Св. Никола“ во Присовјани.^[5]

Галерија

• 
  Селските гробишта
• 
  Поглед на црквата
• 
  Апсидата
• 
  Помошниот објект
• 
  Камбанаријата
• 
  Главниот влез

Поврзано

• Прилепско архијерејско намесништво
• Втора кривогаштанска парохија
• Кореница

Наводи

1. Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN 978-608-65143-2-7.
2. Трифуноски, Јован (1998). Bitoljsko-Prilepska kotlina: antropogeografska proučavanja. Белград: Српска академија на науките и уметностите. ISBN 8670252678. OCLC 41961345.
3. „Црква „Свети Никола", село Кореница“. OLDPRILEP.COM. 2012-03-08. Посетено на 2022-01-06.
4. Николовски, Дарко (1996). „Царските двери од село Кореница, Прилепско“. Тематски зборник на трудови (1): 59–72.
5. Палигора, Ристо (2013). Неколку царски двери од ХVІ и ХVІІ век во регионите на Пелагониjа и Преспа, в: Прилози ХLІV 1-2, посветени на академик Цветан Грозданов по повод 50 години научноистражувачка деjност. Зборник на трудови од научниот собир одржан на 4 октомври 2012 година во Охрид. Скопje. стр. 145.

Надворешни врски

• Црква „Св. Никола“ - Кореница на Ризницата ^?