Херој — индиски филм од 1983 година режиран од Субаш Гаи. Главните улоги ги играат Џеки Шроф и Минакши Шешадри (Мис Индија за 1981 година). Во 1986 година, филмот доживеал преработка во телушки јазик, под насловот „Викрам“, а во 2015 година се појавила и преработката во јазикот хинду (во режија на Никил Адвани).[2]
Содржина
Филмот започнува со затворањето на Паша. За да се спаси, тој му пишува писмо на својот најдобар другар, Џеки, кој му се заканува на Шрикант Матур, а потоа ја киднапира неговата ќерка Рада. Нејзе ѝ се претставува како полициски инспектор и набргу тие се вљубуваат еден во друг. Сепак, Рада дознава дека тој е насилник и го наговара да се предаде. Преобразен од вистинската љубов, Џеки ѝ се предава на полицијата, по што е осуден на двегодишна затворска казна. Кога се враќа дома, Рада му ја кажува вистината на својот брат Дамодар. За да ја спречи нејзината венчавка со некој друг, Дамодар му се јавува на својот другар Џими да разгласи дека Рада и Џими се сакаат. Џими погрешно ја сфаќа ситуацијата и навистина се вљубува во Рада. По излегувањето од затвор, Џеки почнува да работи во една гаража и се обидува да води нормален живот. Потоа, Дамодар дознава дека Џими е дилер на дрога. Откако излегува од затвор, Паша бара одмазда против Шрикант и Џеки и затоа ги киднапира Рада, Шрикант и Дамодар. Сепак, во последен момент се појавува Џеки и ги ослободува тројцата. На крајот од филмот, Шрикант ѝ дозволува на Рада да се омажи со Џеки.
Улоги
Наводи
Надворешни врски