Пјаца Навона

Координати: 41°53′56″N, 12°28′23″E

Фонтаната на четирите реки со египетски обелиск, во средината на Пјаца Навона

Пјаца Навона

Пјаца Навона (италијански: Piazza Navona) е плоштад во Рим. Плоштадот е направен според план на Римски циркус, 1-во вековниот Стадион на Домицијан^[1], каде Римјаните доаѓале да гледаат агони („игри“): денешното име настанало со искривоколчување на изразот во агонија, во nagone и navona, што на Италијански значи „голем број“.

Дефиниран како плоштад во последните години на 15-от век, кога градскиот пазар бил префрлен овде од Кампидољо, Пјаца Навона денес е гордост на барокен Рим. Има скулптури и архитектонски дела од: Џан Лоренцо Бернини, познатата Фонтана на четирите реки, 1651) во средината; Франческо Боромини и Џироламо Рајналди, црквата Света Агнеса во Агонија; и од Пјетро да Кортона, кој ја насликал галеријата во палатата Пампиљ.

Традиционалниот пазар во 1869 бил преместен во Кампо де Фјори, но плоштадот е исто така традиционален домаќин на театарски и куклени претстави, трки на коњи, двобои на витези. Од 1652, секоја сабота и недела во август, плоштадот се претворал во езеро за да се слави фамилијата Пампиљ. Прославата била прекината во 1866.

Пјаца Навона содржи уште две фонтани на Џакомо дела Порта — Нептуновата фонтана (Fontana di Nettuno) од (1574), сместена во северниот дел на Пјаца Навона, и Фонтана на Маварот (Fontana del Moro) од (1576), сместена во јужниот дел на плоштадот.

Други споменици на плоштадот се:

• Палатата на Купис (Palazzo de Cupis)
• Палатата Торес Масимо Ланчелоти (Palazzo Torres Massimo Lancellotti)
• Црквата „Богородица на Светото срце“ Nostra Signora del Sacro Cuore
• Палатата Браши (Музеј на Рим) Palazzo Braschi (Museo di Roma)

Наводи

1. Roth, Leland M. (1993). Understanding Architecture: Its Elements, History and Meaning (First. изд.). Boulder, CO: Westview Press. стр. 233. ISBN 0-06-430158-3.

• Norwich, John Julius, ed. (1988). The World Atlas of Architecture. New York: Portland House. стр. 302. ISBN 0-517-66875-0.
• Rendina, Claudio, ed. (2003). La Grande Enciclopedia di Roma. Rome: Roma : Newton & Compton. ISBN 88-8289-316-2.

Надворешни врски

„Piazza Navona“ на Ризницата ^?

• Navona Square
• Piazza Navona
• Fountain of Neptune Архивирано на 6 март 2009 г.
• Moor Fountain Архивирано на 20 јуни 2008 г.
• Photo of night to Navona Square and Fountain of Neptune Архивирано на 4 март 2016 г.
• Minosh Photography Архивирано на 11 март 2007 г.
• Virtual Tour of Piazza Navona Архивирано на 15 мај 2006 г.