Одговорите на папа Никола на прашањата на Бугарите (латински: Responsa Nicolai ad consulta Bulgarorum) е збирка одговори напишана од папата Никола I во 866 година. Овие одговори биле упатени до бугарскиот владетел, кнезот Борис I, и се однесуваат на различни прашања за христијанската вера и црковните практики, кои Борис ги упатил до папата после прифаќањето на христијанството. Папата Никола I дал детални упатства за тоа како да се структурира христијанската вера и богослужба според моделот на Римската црква.
Од одговорите дознаваме и за државните симболи на Бугарите пред и после покрстувањето. Така во одговорот 33 стои: „Наведовте дека досега, кога одевте во битка, ја носевте коњската опашка како свој воен амблем и прашувате што треба да носите сега на негово место. Што друго, се разбира, освен знакот на крстот? Зашто тоа е знакот со кој Мојсеј го разделил морето и го убил Амалик...“
