Никола Лазаревски

Никола Лазаревски
Роден	29 март 1931 Скопје, Кралство Југославија
Починал	4 декември 2002 Скопје, Македонија
Националност	Македонец
Занимање	сликар педагог

Никола Лазаревски (роден на 29 март 1931 година во Скопје - починал на 4 декември 2002 година во Скопје) — македонски филмски сценограф.^[1]

Животопис

Никола Лазаревски своето средно образование го завршил на архитектонски отсек во Скопје. Во кинематографијата влегол во 1953/54 година кога се вработил во продуцентската куќа „Вардар филм“ - Скопје. Работел како асистент-сценограф, а продолжил како сценограф, иако понекогаш работел и како организатор, асистент на режија и директор на филм. Како пензионер, од 1988 година продолжил да работи на одредени филмски проекти.

За својата работа на филмот, добитник е на повеќе награди и признанија, меѓу кои:

• Златна арена за сценографија за филмот Македонска крвава свадба, на Фестивалот на југословенскиот игран филм во Пула (1968)
• Златна плакета за сценографија за филмот Среќна Нова '49 на Третата смотра на југословенската сценографија, костими и музика, Младеновац (1986)
• Награда „13 Ноември“
• Награда „11 Октомври“^[2]

Наводи

1. Ристовски, Блаже, уред. (2009). „Лазаревски“. Македонска енциклопедија. , книга I (А-Љ). Скопје: МАНУ. стр. 784.
2. „Лазаревски Никола“. http://www.maccinema.com. Посетено на 2020-08-17.