Медведница или Загрепска Гора (хрватски: Medvednica или Zagrebačka gora) - планина северно од Загреб. Сљеме, нејзиниот највисок врв (1033 м), е популарно излетничко место до кое се стигнува по пат или пешки, планинарејќи. Од 1963 до 2007 година до Сљеме возела жичница.[1]Билото на Медведница е долго 42 км и се протега во насока североисток – југозапад. Планината е пошумена. Во 1981 година, западниот дел на Медведница е прогласен за природен парк .[2]
На Сљеме се наоѓа скијачка патека која е една од локациите за натпревари во светскиот скијачки куп (Снежна кралица), а од јануари 2005 година, се одржуваат трки за женскиот светски скијачки куп. Скијалиштето располага со три скијачки жичници: троседешница и две влечници – сидра. Додадена е опрема за производство на вештачки снег и поради тоа сезоната на скијање е продолжена на повеќе од четири месеци. Постојат три начини за да се стигне до планината: по пат (со автомобил или автобус) или пеш (бројни планински патеки). Во минатото бил присутен и гондола лифт кој започнувал од населбата Грачани веднаш под Медведница. Жичарницата работела од 1963 до 2007 година, кога по големата грешка во машинската соба ги направила поправките економски невозможни.[3] Гондолата имала капацитет за четири лица, со патување од 23 минути, поминувајќи растојание од 4023 m. Новиот гондола-лифт ќе ја користи постојната рута проширена за 3 кмНа Медведница има десетици планински колиби за традиционални еднодневни патувања до планината. Поради својата близина до Загреб, Медведница има многу посетители, особено за време на викендите.[4]
