Мала кула (Лерин)

Мала кула

Μικρός Κουλές
Остатоците од Малата кула
Место	Лерин
Област	Егејска Македонија, Грција
Координати	40.7781°N 21.4054°E / 40.7781; 21.4054
Историја
Изграденo	XIX век
Белешки за наоѓалиштето
Состојба	урнатини
Прогласено за	споменик на културата

Мала кула (грчки: Μικρός Κουλές) — одбранбено-станбена кула во градот Лерин, Егејска Македонија.^[1]

Местоположба

Кулата се наоѓа во центарот на градот, на улица „Тагматархис Фуледакис“, во дворот на Третата гимназија.

Историја

Кулата е изградена во XIX век.^[1] Во 1985 г. е прогласена за споменик на културата.^[2]

Арпитектура

Кулата е од одбранбен тип, типична за многу краишта на Балканот во XVIII - XIX век. Вакви кули граделе богати жители, обично со квадратен план и во допир со главната куќа.^[1] Во архитектонски поглед Малата кула е квадратна и завршувала со купола.^[2] Денес опстојува само долниот дел, на висина од 4,75 м и надворешни димензии од 6,80 × 6,82 м. Ѕидовите се дебели од 0,98 до 1,04 м, а внатре има скриени хоризонтални рамки од дрвен материјал на секои 3 метри. Влезот има дрвена хоризонтална носечка греда и полукружен свод од тули. Одвнатре сводот е остар. Куполата е изградена од тули и покриена со турски ќерамиди. Нагоре водат камени скалила, а покривот е од камени плочи.^[1]

Поврзано

• Голема кула (Лерин)

Наводи

1. „Μικρός Κουλές (Αμυντικός Πύργος)“. Florina QR. Архивирано од изворникот на 2020-10-29. Посетено на 21 август 2020.
2. „ΥΑ ΥΠΠΕ/Β/Φ36/35754/788/8-8-1985 - ΦΕΚ 629/Β/18-10-1985“. Διαρκής κατάλογος κηρυγμένων αρχαιολογικών τόπων και μνημείων. Архивирано од изворникот на 2020-07-20. Посетено на 20 јули 2020.