Кристијан Абијати (италијански: Christian Abbiati) — поранешен италијански голман кој поголемиот дел од својата кариера ја поминал во екипата на ФК Милан.
Тој е роден на 8 јули1977 во Абијатеграсо, Италија. Својата фудбалска кариера ја започнал кога имал 13 години. Настапувал за ФК Трецано, ФК Асаго, ФК Корзико, а од 1994 за ФК Монца. Во 1998 година заминал за ФК Милан, каде на 17 јануари 1999 дебитирал во Серија А. Во Репрезентацијата на Италија дебитирал во 2003 година.
Во 2005 година бил даден на позајмица во ФК Џенова. По една година тој се вратил во клубот, каде по ова бил отстапен на ФК Јувентус, ФК Торино и ФК Атлетико Мадрид. Од 2008 година повторно станал играч на Милан.
