Знаменосец[1][2] или архаично бајрактар[3][4] — лице чија функција е да носи копје на коe е прикачено знаме, со цел да го изложи за време на битка, парада, церемонија или манифестација. Знаменосецот може да биде пеш или на коњ и обично е во предниот дел на формацијата. Може да е опкружен со луѓе кои формираат заштита на знамето.
Знаменосецот го држи копјето со една или две раце, и често во тоа му помага дршка во која ја сместува основата и која е прикачена на седлото (во случај на јавач) или на појас, каиш или лента преку рамо (во случај на пешак). Оваа опрема може да биде изработена од различни материјали, како кожа, најлон или која било друга ткаенина.[5]
Метафорично, знаменосец може да биде и личност која се смета за најрепрезентативна за некој правец на мислата, па дури и продавница или производ што се смета за примарен во мрежата.
Спорт
За време на одредени спортски настани, знаменосецот ја води националната делегација. Ова е особено случај за време на церемониите на отворање на Олимписките игри од 1912 година.[6] Ова генерално се гледа како признание на лицето назначено да ја претставува нивната земја.
Поврзано
Бајрактар (Бајрактар Маала) — село во Нигритско, Егејска Македонија
