Јован Довезенски

Јован Станојков
Роден	8 април 1871 Довезенце, Македонија
Починал	2 мај 1935

Јован Станојков (иќ) - Довезенски (8 април 1871 - 2 мај 1935) — србомански деец и еден од првите војводи на Српскиот комитет на четничката акција во Македонија.

Животопис

Просрпските војводи Јован Довезенски и Мицко Крстевски и двајца четници

Тој е роден во селото Довезенце во близината на Куманово. Основно училиште учел во манастир на старословенски. Потоа заминал за Србија и учел во гимназија, меѓутоа поради немање на пари морал да ја напушти, по што завршил богословско-учителска школа.

Бил учител во родниот крај. Во 1904 година се приклучил на Српскиот комитет на четничката акција.

Довезенски бил меѓу првите српски војводи во Македонија и од тука имал силен авторитет меѓу четниците и војводите. Тој ја создал српската тајна организација од левата страна на реката Вардар.

Учествувал во Балканските војни и Првата светска војна

Умира во 1935 година. Погребан е во Куманово. Во Белград по Јован Довезенски е именува една улица .^[1][2]

Улица „Војвода Довезенски“ во Белград.

Извори

1. „Биография на Довезенски“. Архивирано од изворникот на 2015-11-06. Посетено на 2010-12-20.
2. „„Српство", број 15, Maj 2000“. Архивирано од изворникот на 2009-09-09. Посетено на 2010-12-20.