The Messenger: The Story of Joan of Arc

Artikel ko sadang disiapkan dan sadang dikambangkan, dan mungkin akan tajadi parubahan-parubahan gadang. Sanak dapek mambantu dalam pangambangan laman ko. Laman ko taakhia disuntiang dek Faishal Wafiq Zakiy (Kontrib • Log) 1828 hari 214 menit nan lalu. Kok Sanak mancaliak artikel ko indak disuntiang dalam babarapo hari, mohon hapuih templat ko.

The Messenger: The Story of Joan of Arc
Berkas:Messenger poster.jpg Poster film untuak wilayah Parancih
Sutradara	Luc Besson
Produser	Patrice Ledoux
Panulih	Luc Besson Andrew Birkin
Pamain	Milla Jovovich John Malkovich Faye Dunaway Dustin Hoffman Pascal Greggory Vincent Cassel Tchéky Karyo Richard Ridings Desmond Harrington Timothy West
Musik dek	Éric Serra
Sinematografi	Thierry Arbogast
Panyuntiang	Sylvie Landra
Parusahaan produksiy	Columbia Pictures Gaumont
Distributor	Columbia Pictures Sony Pictures Releasing
Tangga rilis	18 Oktober 1999 (1999-10-18) (premiere) 27 Oktober [[1999[1]]] (1999[1]-10-27) (France) [[[1]]] ([1])
Durasi	158 minutes[2]
Nagara	Parancih
Bahaso	Bahaso Inggirih
Pandapekan kotor	$67 juta[2]

The Messenger: The Story of Joan of Arc (dalam bahaso Parancih: Jeanne d'Arc) adolah film dari Parancih nan disutradarai dek Luc Besson.^[5] Film nan dibintangi dek Milla Jovovich, John Malkovich, Faye Dunaway jo Dustin Hoffman iko ditulih dek Luc Besson basamo jo Andrew Birkin, samantaro komposisi musiknyo disusun dek Éric Serra.^[5] Film iko patamo kali ditayangan pad 18 Oktober 1999 dan ditayangan untuak Parancih patamo kalinyo pado 27 Oktober 1999.^[6]

Carito

Film iko bacarito tantang Joan, saurang anak nan punyo kamampuan supranatural. Katiko baliak ka rumah, inyo mandapekan desanyo tabaka. Adiaknyo, Catherine, basusaho malinduanginyo malalui caro manyuruak dari pasukan Inggirih nan manyarang, sabagai pasaingan lamo jo Parancih. Katiko Joan manyuruak, inyo manyaliak pambunuhan saudarinyo. Sasudah itu, Joan dibaok dek dunsaka jauahnyo.

Batahun kudian di Chinon, Dauphin nan kudian manjadi Rajo Parancih, Charles VII (John Malkovich), manarimo pasan dari Joan (Milla Jovovich) nan kini alah gadang, mamintanyo untuak manyadiokan pasukan untuak dipimpin dalam upayo malawan pasukan panjajah Inggirih nan manduduki wilayah Parancih. Sasudah inyo basuo jo mintuonyo, Yolande of Aragon (Faye Dunaway) manggambarkan visinyo. Putuih aso, inyo pacayo jo ramalannyo.

Babaluik jo baju basi, Joan mamimpin pasukan Parancih ka kota Orléans nan dikapuang. Inyo maagiah tau pasukan Inggirih kasampatan untuak manyarah, tapi kudian ditolak dek Inggirih. Para komandan pasukan sabananyo indak pacayo jo kapamimpinan Joan, mamulai patampuran pagi barikuiknyo untuak maambiak alih benteng Santa Loup tanpa inyo. Katiko inyo tibo di medan parang, tantaro Parancih mundur. Joan maakhiri retret dan mamimpin sarangan lain nan barasia marabuik benteng. Pasukanyo malanjuikan ka benteng lawan nan disabuik "Tourelles". Joan maagiah kasampatan urang Inggirih untuak manyarah nan akhianyo ditolak. Joan mamimpin pasukan Parancih untuak manyarang Tourelles, walau banyak karugian didarito Inggirih, Joan turuik pulo taluko. Walau baitu, Joan mamimpin sarangan kaduo di bisuaknyo. Katiko pasukan Inggirih bakumpua baliak, pasukan Parancih manggarik untuak nan basiap untuak paparangan tabuka di sabuah lapangan. Joan pai surang ka pasukan Inggirih untuak maagiah pasukan Inggirih kasampatan untuak manyarah. Inggirih pun manarimo dan maelok baliak pasukannyo.

Joan pun baliak ka Rheims untuak manyaliak malewakan Charles VII dari Parancih. Kampanye militernyo kudian balianjuik ka tembok kota Paris, walaupun inyo indak manarimo bantuan nan inyo mintak, jo pangapuangan itu gagal. Joan maagiah tahu Rajo Charles VII untuak mamiliah diplomasi daripado parang. Picayo inyo maancam posisinyo jo paralu mangaluakan harato, Charles basangkokol untuak manyingkiaan Joan malalui caro mambiakannyo ditangkok dek pasukan lawan. Inyo ditahan dek urang-urang Burgundia nan pro Inggirih di Compiègne, nan majuanyo ka Inggirih. Inyo dirantai, dan pasidangannyo dimulai.

Dituntuik mangarajoan kajahekan bidat, badasarkan klaimnyo jiko mandapek panglihatan jo tando-tando dari Tuhan, inyo diadili dalam pasidangan gereja nan dipasoan dek pamarintah pandudukan Inggirih. Urang Inggirih nio sacapeknyo mangutuak jo maeksekusi Joan dek tantara Inggirih takuik untuak baparang samantaro inyo masih iduik, badasarkan kayakinan inyo sadonyo jikok nyo dapek sacaro supranatural mampangaruhi parang bahkan walaupun inyo di panjaro. Uskup Cauchon manyampaikan raso takuiknyo untuak maeksekusi salah surang nan mungkin alah manarimo panglihatan dari Tuhan. Nio dibaka untuak bidat, Joan binguang dek inyo ka dieksekusi tanpa mambuek pangakuan akhia. Uskup mangatokan ka inyo jikok inyo harus manyangka panglihatannyo sabalun inyo bisa mandanga pangakuannyo. Joan mangatoan jikok inyo indak bisa lai dibaka sabagai bidat. Samantaro di selnyo, Joan diadokan dek saurang laki-laki bajubah indak banamo (Dustin Hoffman), nan tasirek manjadi hati nurani Joan. Laki-laki itu mananyo apokah Joan sabana manarimo pasan dari Tuhan.

Pasukan Inggirih nan frustasi marancang caro lain supayo Joan dieksekusi dek gereja. Tantara Inggirih pai ka sel Joan, manyabiak bajunyo jo maagiah baju laki-laki untuak dipakai. Inyo dinyatoan mambuek sihia nan mambuek baju baru muncul, manunjuakkan saurang panyihia harus dibaka. Walaupun curiga urang Inggirih baduto, uskup maninggaan Joan untuak dibaka di pasa Roues. Tapi catatan tambahan mangatokan inyo dikanonisasi sabagai urang suci di abad ka-20.

Pamaran jo Kru

Daftar Kru

No	Namo	Paran
1	Milla Jovovich	Joan of Arc
2	John Malkovich	Charles VII of France
3	Faye Dunaway	Yolande of Aragon
4	Dustin Hoffman	The Conscience
5	Andrew Birkin	John Talbot
6	Vincent Cassel	Gilles de Rais
7	Pascal Greggory	John II, Duke of Alençon
8	Richard Ridings	La Hire
9	Desmond Harrington	Jean d'Aulon
10	Timothy West	Pierre Cauchon
11	Gina McKee	Duchess of Bedford
12	Tchéky Karyo	Jean de Dunois
13	Joseph Malerba	Beaurevoir's Guard
14	Vincent Regan	Buck

Sumber:^[5]

Produksi

Luc Besson awalnyo disewa sabagai produser eksekutif untuak sabuah film nan disutradarai dek Kathryn Bigelow. Bigelow alah mangambangkan ide untuak film iko salamo satu dekade. Filemnyo nio diagiah judul Company of Angels, dimano Jay Cocks disewa untuak manulih naskah. Film iko dibuek jo bantuan Besson jo dukungan keuangan. Pado bulan Juli 1996 kontrak antaro Bigelow jo Besson dituka, nan maagiah Besson hak untuak bakonsultasi manganai casting salain biaya pribadinyo. Masalah iko manadi rumik katiko Besson tau kalau bininyo Milla Jovovich indak akan baparan sabagai Joan, akhianyo inyo kalua dari film.^[7] Bigelow mangancam untuak dibaok ka pangadilan walau akhianyo disalasaikan di lua pangadilan.^[8] Besson pun kalua dan mamulai proyek surang, Company of Angels dibubarkan dan diganti jo The Messenger.^[9]

Soundtrack

Soundtrack untuak film iko disusun dek Éric Serra nan dirilih sabagai album malalui Sony Music Entertainment. Iko adolah kolaborasi Serra jo sutradara Luc Besson nan ka salapan, sasudah manyusun soundtrack tujuah film Besson sabalunyo.^[10]

Tanpa judul

Rujuakan

1. Kutipan rusak: Tag <ref> indak sah; indak ado teks untuak ref banamo variety
2. "The Messenger: The Story of Joan of Arc (1999)". Box Office Mojo. Diarsipkan dari versi asli tanggal 19 January 2016. Diakses tanggal 21 November 2014.  Parameter |url-status= yang tidak diketahui akan diabaikan (bantuan)
3. Hayward 2009.
4. Kutipan rusak: Tag <ref> indak sah; indak ado teks untuak ref banamo Movies and the Maid
5. "Joan of Arc". IMDb. IMDb. Diakses tanggal 9 Desember 2019. 
6. McCarthy, Todd; McCarthy, Todd (1999-11-01). "The Messenger: The Story of Joan of Arc – Vivid Action Can't Save Miscast 'Joan'". Variety (dalam bahasa Inggris). Diakses tanggal 2019-12-31. 
7. Schubart, Rikke (2007-03-28) (dalam bahaso en). Super Bitches and Action Babes: The Female Hero in Popular Cinema, 1970-2006. McFarland. ISBN 978-0-7864-2924-0. https://books.google.com/books?id=2vVWBAAAQBAJ&pg=PA273#v=onepage&q&f=false. 
8. Hayward, Susan, 1945-; Powrie, Phil. (2006). The films of Luc Besson : master of spectacle. Manchester: Manchester University Press. ISBN 978-0-7190-7028-0. OCLC 69484521. https://www.worldcat.org/oclc/69484521. 
9. Jermyn, Deborah, 1970-; Redmond, Sean, 1967- (2003). The cinema of Kathryn Bigelow : Hollywood transgressor. London: Wallflower Press. ISBN 1-903364-42-6. OCLC 52114367. https://www.worldcat.org/oclc/52114367. 
10. "The Messenger: The Story of Joan of Arc Soundtrack (1999)". www.soundtrack.net. Diakses tanggal 2019-12-31.