Suku Bodi

Artikel ko sadang disiapkan dan sadang dikambangkan, dan mungkin akan tajadi parubahan-parubahan gadang. Sanak dapek mambantu dalam pangambangan laman ko. Laman ko taakhia disuntiang dek 182.2.134.222 (Kontrib • Log) 378 hari 578 menit nan lalu. Kok Sanak mancaliak artikel ko indak disuntiang dalam babarapo hari, mohon hapuih templat ko.

Suku Bodi Derivatives: Bodi Chaniago
Kaluargo induak	Kaum Adaik
Tampek asa	Minangkabau
Gala	Datuak Sutan Tuakangku

Suku Bodi marupoan salah satu suku induk yang ada di Minangkabau nan juo marupokan sekutu dari Suku Caniago nan kamudian mambantuak Adaaik Perpatih atau dikana juo jo namo Lareh Bodi Caniago. Manuruik tambo Minangkabau, pasekutuan iko didirikan dek Datuak Parpatih Nan Sabatang.^[1]

Etimologi

Bodi barasa dari bodhi kato dalam bahaso Sanskerta nan maknanyo bararti nan alah mandapek patunjuak. Bodi dapek dirujuak kapado pohon Bodhi, yaitu sabuah pohon nan sangek penting bagi patapa Buddhisme, dan kononnyo dahulu masyarakaaik suku iko adolah panganut Buddha nan taaik, serta suku iko alah manampeki wilayah kawasan Minang jauah sabalum datangnyo agama Islam. Manuruik tambo suku iko tamasuak salah satu suku awal dalam tatanan masyarakaik Minangkabau.

Panghulu adaik

Saparti dalam tradisi Minang lainnyo, pengulu suku salalu diagiah galaran datuak, babarapo galaran datuak pado suku Bodi antaro lain Datuk Sinaro Nan Pandak, Datuk Marajo Nan Rambayan di nagari Aie Tabik.

Pasebaran

Masyarakaik suku iko tagadang di wilayah darek (padalaman Minangkabau) diantaronyo pado kawasan kabupaten Tanah Datar, kabupaten Lima Puluh Kota dan kota Payakumbuh.

Pemekaran

Jo mampahatikan keterkaitan antar suku dalam masyarakaik adaik Minangkabau, suku Bodi indak malakukan pemekaran, tatapi pado nagari tatantu suku iko bagabuang jo suku Caniago sahinggo kamudian manjadi Suku Budi-Caniago atau Suku Bodi-Caniago, misalnyo di kanagarian Lubuk Jambi, Kuantan Mudik, Riau.

Rujuakan

1. Batuah, A. Dt. (1959). Tambo Minangkabau dan Adatnya. Jakarta: Balai Pustaka.