Soedarpo Sastrosatomo

Soedarpo Sastrosatomo
Lahia	30 Juni 1920 Pangkalan Susu, Langkat, Sumatra Utara, Hindia Belanda
Maningga	22 Oktober 2007 (umua 87) Jakarta, Indonesia
Alma mater	Ika Daigaku, indak salasai
Karojo	Pangusaho
Dikana dek	Pandiri Bank Niaga
Pasangan	Minarsih Wiranatakusumah
Anak	Shanti Lasminingsih Poesposoetjipto, Ratna Djuwita Tunggul Hatma, Chandraleika Mulia

Soedarpo Sastrosatomo (30 Juni 1920 – 22 Oktober 2007) adolah saurang pangusaha, diplomat, jo jurnalis Indonesia. Inyo marupoan pandiri Bank Niaga dan Samudera Indonesia [id], parusahaan palayaran gadang nan manguasoi distribusi barang sa-Indonesia .

Berasa dari kaluarga Jawa, Soedarpo alah talibat dalam pargerakan nasionalisme Indonesia sangkek inyo masih duduak di bangku sakolah dan kudian bakarajo sabagai pagawai humas untuak pamarentah.

Sempat manjadi diplomat nan ditgasan di Amerika Serikat, inyo mamulai bisnis surang di bidang distribusi barang jjo palayaran, kudian mangambangkan bisnsnyo ka jasa kauangan dan akhianyo manjadi salah satu pangusaha paliang sukses di Indonesia.

Kahidupan awal jo karier

Soedarpo lahia di Pangkalan Susu, nan hari iko masuak dalam Kabupaten Langkat, Sumatera Utara pado 30 Juni 1920,^[1] sabagai anak katujuah dari sambilan basaudara.^[2] Inyo basuku Jawa, dan ayahnyo adolah a staf di kantua administrasi pamarentahan kolonial Balando.^[3][4] Sangkek masih ketek, kaluarganyo pindah ka Medan, di siko inyo masuak ka SD.^[2] Sasudah kamatian ayahnyo pado 1929, kaluarga Soedarpo pindah ka Yogyakarta, dan Soedarpo mamulai pandidikannyo di Algemene Middelbare School. Sajak 1930-an, inyo jo abangnyo, Soebadio, pindah ka Batavia, Suriname untuak malanjuikan studi kadokteran. Salamo aso hiduiknyo di Batavia, kaduoa adiak-baradiak iko aktif dalam organisasi nasionalis Indonesia liberal dan radikal; mereka kuek dipengaruhi dek Sutan Sjahrir.^[3]

Pado 1943, Soedarpo jo abangnyo sarato Soedjatmoko langsuang maadok Sukarno untuak manyatoan indak satuju jo sikapnyo bakarajo samo jo pamarentah pandudukan Japang. Pado tahun itu pulo, inyo dikaluaan dari sakolah kadokteran dek partisipasinyo dalam protes malawan kawajiban siswa untuak ikuik dalam upacara pangibaran bandera Japang satiok hari dan mambungkuakan badan ka arah Tokyo. Kasudahannyo, Soedarpo mundua dari politik salamo babarapo wakatu, meskipun tetap manjalin hubuangan jo Sjahrir.^[3]

Sasudah kamardekaan

Indak lamo sasudah Indonesia mamprokalamasian kamardekaannyo, Soedarpo mulai bakarajo di Bagian Luar Negeri Kamenterian Penerangan RI, posisi nan inyo dapek dek bahaso Inggirihnyo nan fasih.^[5][6] Inyo disabuik-sabuik sabagai pegawai humas patamo Indonesia.^[7] Kudian, inyo jo Soedjatmoko dikirim sabagai utusan dari Sjahrir ka Sukarno dalam upayo untuak mancari jo mambujuak Sukarno untuak maizinan pambentukan pamarentahan nan dipimpin dek saurang perdana menteri.^[3] Di kasempatan lain, inyo parnah pulo manjadi utusan untuak mayakinan Sukarno bernegosiasi dalam Parjanjian Linggarjati pado 1946.^[8]

Soedarpo bagabuang jo Partai Sosialis Indonesia (PSI) indak lamo sasudah partai itu tabantuak pado 1948.^[3] Di partai, inyo mambantu publikasi mingguan babahaso Balando Het Inzicht salain bakarajo di publikasi bahaso Inggris Voice of Indonesia.^[9] Inyo juo bakarajo di Kamenterian Partahanan nan dipimpinAmir Sjarifudin. Soedarpo parnah dikirim ka New York sabagai pakarajo media pado 1948 dan kudian manjadi bagian dari delegasi Indonesia untuak Konferensi Meja Bundar pado 1949..^[3][5]

Salamo barado di New York dan kudian KBRI di Washington, D.C., Soadarpo indak hanyo bausaho untuak mamparoleh pangakuan kadaulatan Indonesia, tetapi juo bertugas mangalola devisa Indonesia. Inyo juo manjadi wakil Indonesia di Dewan Keamanan Perserikatan Bangsa-Bangsa (PBB). Inyo vakum dari dunia diplomatik pado tahun 1952.^[3][5][10]

Karier bisnis

Sakambalinyo dari Amerika Serikat, Soedarpo mamutuihan indak nio bakarajo baliak untuak pamarentah dan mulai bakarajo sebagai direktur di Zorro Corporation, parusahaan distributor untuak produk mesin tik Remington jo RCA nan dimiliki dek American Matthew Fox. Samantaro Zorro mamacik hak monopoli untuak distribusi dari kaduo parusahaan tersebut, Zorro gagal mandapek izin distribusi domestik, sahinggo mambuek Soedarpo kalua dari sinan dan mamulai NVDP Soedarpo Corporation pado tahun 1952. Sasudah mandapek izin impor, Soedarpo maambiak aliah hak distribusi dari Zorro dengan skema bagi hasil. Pado tahun 1958, inyo mandapek hak untuak mandistribusikan unit UNIVAC.^[11][12][13]

Inyo juo mandapek kontrak jo lisensi impor untuak kandaraan militer. Inyo manyalang pitih dari Hamengkubuwono IX untuak mambeli 75 persen saham parusahaan palayaran milik Balando, Indonesian Shipping and Transport (ISTA) pado tahun 1953, dan manjadi presiden direktur. Pado tahun barikuiknyo, inyo berhasil mangamanan agen-agen jalur pelayaran Jerman Hapag jo Jepang Tokyo Senpaku Kaisha ka Indonesia. Inyo juo mangakuisisi parusahaan bongkar muek Belando, Stroohoeden Veem pado tahun 1956.^[4][14] Pada tahun 1964, ISTA jo parusahaan bongkar muat di bawah kandali Soedarpo digabuang manjadi ciek perusahaan, Samudera Indonesia.^[15][16]

Soedarpo juo managakan parusahaan Asuransi Bintang jo Bank Niaga pado tahun 1955.^[17] Sajak 1986, Soedarpo mangontrol satidaknyo 21 parusahaaan.^[12] Sijarawan Balando Thomas Lindblad mancataik bahasonyo Soedarpo "punyo reputasi sabagai satu-satunya kapitalis pribumi paliang sukses pado maso Orde Lamo".^[4] Pado dekade 1980-an, the grup parusahaan Soedarpo manjadi parusahaan dengan panjualan paliang gadang katigo di antaro parusahaan-parusahaan nan dikandalian dek pangusaho pribumi^[18] Sajak 1997, katiko Samudera Indonesia malantai di Bursa Efek Singapura, Soedarpo manjadi katuanyo.^[16] Pado 2006, Forbes malatakan inyo di posisi ka-37 dalam daftar 40 urang paliang kayo di Indonesia, manulis kakayaan barasiahnyo sagadang US$100 juta.^[19]

Pado 1995, President Suharto maagiah Soedarpo panghargaan Bintang Mahaputera Pratama.^[20]

Kahidupan pribadi jo kaluarga

Salamo maso studinyo di AMS, Soedarpo adolah saurang atlet lari gawang; inyo parnah manang sabuah kajuaraan lari gawang pado 1940.^[21] Soedarpo juo manjadi anggoto Rotary International, dengan jabatan sabagai gubernur distrik.^[20]

Inyo mambina rumah tanggo jo Minarsih Wiranatakoesoemah; dikaruniai jo tigo anak, anam cucu, jo dua cicit katiko inyo maningga.^[22][23]

Kamatian

Soedarpo maningga di Jakarta pado 22 October 2007. Mayaiknyo dikubuaan di Tampek Pamakaman Umum Tanah Kusir.^[24]

Rujuakan

Catatan kaki

1. Anwar, Rosihan; Siagian, Toenggoel P. (2003) (dalam bahaso en). Against the Currents: A Biography of Soedarpo Sastrosatomo. Pustaka Sinar Harapan. ISBN 9789794167663. https://books.google.com/books?id=9LZuAAAAMAAJ. "Soedarpo was born on June 30, 1920, in Pangkalansusu" 
2. Wie 2003, hlm. 143–144.
3. Legge, John (2008). "Sudarpo Sastrosatomo (June 30, 1920–October 22, 2007)" (PDF). Indonesia (85): 145–146. ISSN 0019-7289. JSTOR 40376449. Diarsipkan dari versi asli (PDF) tanggal April 21, 2019. Diakses tanggal April 21, 2019.  Parameter |url-status= yang tidak diketahui akan diabaikan (bantuan)
4. Lindblad, J. Th (2008) (dalam bahaso en). Bridges to New Business: The Economic Decolonization of Indonesia. BRILL. pp. 94–96. ISBN 9789004253971. https://books.google.com/books?id=rfRjAAAAQBAJ. 
5. Wie 2003, hlm. 146–147.
6. "Soedarpo Sastrosatomo". Bloomberg. Diarsipkan dari versi asli tanggal 21 April 2019. Diakses tanggal 21 April 2019.  Parameter |url-status= yang tidak diketahui akan diabaikan (bantuan)
7. Watson, T. (2014) (dalam bahaso en). Asian Perspectives on the Development of Public Relations: Other Voices. Springer. p. 53. ISBN 9781137398154. https://books.google.com/books?id=RllpAwAAQBAJ. 
8. Hoesein, Rushdy (2010) (dalam bahaso id). Terobosan Sukarno dalam Perundingan Linggarjati. Penerbit Buku Kompas. p. 213. ISBN 9789797094898. https://books.google.com/books?id=XK4SaVKUwO8C. 
9. Pols, Hans (2018) (dalam bahaso en). Nurturing Indonesia: Medicine and Decolonisation in the Dutch East Indies. Cambridge University Press. p. 200. ISBN 9781108424578. https://books.google.com/books?id=L7ViDwAAQBAJ. 
10. "Against The Currents: A Biography Of Soedarpo Sastrosatomo (book description)". selectbooks.com.sg. Diakses tanggal 21 April 2019. ^{[pranala nonaktif permanen]}
11. Shiraishi, Takashi (2018) (dalam bahaso en). Approaching Suharto's Indonesia from the Margins. Cornell University Press. p. 133. ISBN 9781501718915. https://books.google.com/books?id=7FldDwAAQBAJ. 
12. Love, Bruce (2 May 2008). "Soedarpo: from revolutionary to family business leader". Campden Family Business. Diarsipkan dari versi asli tanggal 21 April 2019. Diakses tanggal 21 April 2019.  Parameter |url-status= yang tidak diketahui akan diabaikan (bantuan)
13. Setiyono, Budi (20 October 2011). "(Bukan) Lafayette Amerika Modern". Historia (dalam bahasa Indonesia). Diarsipkan dari versi asli tanggal 21 April 2019. Diakses tanggal 21 April 2019.  Parameter |url-status= yang tidak diketahui akan diabaikan (bantuan)
14. Wie 2003, hlm. 150.
15. Wie 2003, hlm. 168.
16. "Samudera founder dies". TradeWinds. Diarsipkan dari versi asli tanggal 21 April 2019. Diakses tanggal 21 April 2019.  Parameter |url-status= yang tidak diketahui akan diabaikan (bantuan)
17. Wie 2003, hlm. 142.
18. Booth, A. (1998) (dalam bahaso en). The Indonesian Economy in the Nineteenth and Twentieth Centuries: A History of Missed Opportunities. Springer. p. 321. ISBN 9780333994962. https://books.google.com/books?id=yF-IDAAAQBAJ&pg=PA321. 
19. "#37 Soedarpo Sastrosatomo & family". Forbes. 9 July 2006. Diarsipkan dari versi asli tanggal 21 April 2019. Diakses tanggal 21 April 2019.  Parameter |url-status= yang tidak diketahui akan diabaikan (bantuan)
20. (dalam bahaso en) The Rotarian. Rotary International. 3 Desember 1995. p. 56. https://books.google.com/books?id=MjEEAAAAMBAJ&pg=PA56. 
21. Anwar, Rosihan (2004) (dalam bahaso id). Sejarah kecil "petite histoire" Indonesia. Penerbit Buku Kompas. p. 69. ISBN 9789797094287. https://books.google.com/books?id=YWHjTT3FEycC. 
22. "Juwono: Soedarpo Sastrosatomo Patut Jadi Teladan". ANTARA News (dalam bahasa Indonesia). 22 October 2007. Diarsipkan dari versi asli tanggal 21 April 2019. Diakses tanggal 21 April 2019.  Parameter |url-status= yang tidak diketahui akan diabaikan (bantuan)
23. Soedarpo, Mien (1997). Kenangan Masa Lampau (dua jilid). Jakarta: Grasindo.
24. "Kalla: Soedarpo Sastrosatomo Tak Tergantikan". detikFinance (dalam bahasa Indonesia). 22 October 2007. Diarsipkan dari versi asli tanggal 21 April 2019. Diakses tanggal 21 April 2019.  Parameter |url-status= yang tidak diketahui akan diabaikan (bantuan)

Bibliografi

Wie, Thee Kian (2003). "Soedarpo Sastrosatomo (interview)" (dalam bahaso en). Recollections: The Indonesian Economy, 1950s–1990s. Institute of Southeast Asian Studies. pp. 141–163. ISBN 9789812301789. https://books.google.com/books?id=Df1oBwAAQBAJ.