Sariamin Ismail

Infobox orangSariamin Ismail
Biografi
Lahia(id) Basariah Edit nilai pada Wikidata
31 Juli 1909 Edit nilai pada Wikidata
Sinuruik Edit nilai pada Wikidata
Kamatian15 Desember 1995 Edit nilai pada Wikidata (86 tahun (id) terjemahkan)
Koto Pekanbaru Edit nilai pada Wikidata
Kalompok etnisUrang Minangkabau Edit nilai pada Wikidata
Kagiatan
KarajoGuru, pangarang jo wartawan Edit nilai pada Wikidata
Creative work
Karya nan tanamo
Kaluarga
AnakTini Hadad Edit nilai pada Wikidata

Sariamin Ismail (lahia di Talu, Pasaman, Sumatera Barat, 31 Juli 1909 – maningga di Pekanbaru, Riau, 15 Desember 1995 pado umua 86 taun) adolah sastrawan Indonesia. Baliau adolah tokoh panulih Indonesia nan mulai manulih sajak umua 16 taun, novel partamonya bajudul Kalau tak Untung nan ditabik'an dek Balai Pustaka pado taun 1934. Dikenal sabagai pangarang partamo Indonesia dari kaum padusi. Dalam manulih novelnyo, atau manulih di surek kaba, baliau manggunoan namo samaran Selasih, atau Seleguri, atau gabuangan dari kaduo namo tu, Selasih Seleguri. Baliau manulih untuak babarapo surek kaba tamasuak Pujangga Baru, Panji Pustaka, Asyara, Sunting Melayu, dan Bintang Hindia. Baliau pernah manjabaik sabagai katua Jong Islamieten Bond cabang Koto Bukittinggi (1928-1930). Pado 1934, baliau adolah editor Suara Kaum Ibu, surek kaba di Koto Padangpanjang. Pado 1947, baliau tapiliah sabagai anggota parlemen daerah untuak provinsi Riau.

Biografi

Sariamin lahia jo nama Basariah pado tangga 31 Juli 1909 di Talu, Pasaman Barat.[1] Inyo adolah anak kaduo, punyo tigo saudara padusi jo saurang saudara laki-laki, dari pasangan Sari Uyah dan Lau. Sabagai anak saurang ambtenaar, Sariamin dapek masuak ka Sakolah Gubernemen. Dalam usia sapuluh tahun, inyo alah manulis syair jopuisi.

Inyo manulih untuak manambah panghasilan sahari-hari dan mambiayai kagiatan organisasinyo.[2] Inyo manggunoan babarapo namo samaran untuak mancegah kamungkinan inyo ditangkok akibaik tulisan-tulisannyo dekPolitieke Inlichtingen Dienst (PID). Dari sajumlah namo samaran nan inyo pakai, inyo labiah tanamo jo namo Selasih nan inyo pakai dalam novel patamonyo. Sajumlah namo samaran lain nan pernah inyo pakai yaitu Seleguri, Sri Gunung, Sri Tanjung, Ibu Sejati, Bundo Kanduang, jo Mande Rubiah.[3][4]

Pado 1933, inyo manabikan novel patamonyo, Kalau Tak Untung nan manjadiannyo sabagai novelis padusi patamo dalam sijarah Indonesia.[4] Ditabikan dek Balai Pustaka milik pamarentah, konon inspirasi novel iko adolah babarapo kajadian nyata dalam hiduiknyo yaitu tunangannyo nan manikahi padusi lain, dan kisah duo kawan maso keteknyo nan saling jatuh cinta tapi indak dapek basandiang. Inyo kembali manabikan novel pado tahun 1937 bajudul Karena Keadaan.[4][5]

Sasudah Indonesia mamproklamasian kamerdekaannyo pado 1945, Sariamin maabihan duo tahun sabagai anggota Dewan Perwakilan Rakyat Daerah wilayah Riau.[6] Inyo tetap manulih jo maaja di Riau hinggo 1968. Hinggo tahun 1986, inyo alah maangaluaan tigo antologi puisi jo sabuah carito anak-anak.[6] Inyo manulih novel tarakhianyo, Kembali ke Pangkuan Ayah pado tahun 1986.[4] Sabalun wafat pado tahun 1995, inyo manabikan duo antologi puisi lai[1] jo sabuah film dokumenter tantang kisah kahidupannyo.[7]

Tema

Kritikus sastra Indonesia Zuber Usman manulih bahasonyo, indak takah karya kontemporer lainnyo, karya-karya patamo Sariamin, Kalau Tak Untung jo Pengaruh Keadaan indak manyingguang konflik antargenerasi atau perbenturan nilai-nilai adat jo modern.[8] Inyo mandapati bahaso novel-novel Sariamin fokus mangenai kisah kasih tak sampai akibaik kaadaan sakitar misalnyo adaik jo agama; basobok sangkek ketek, jatuah cinto, tapi indak pernah berhasil basatu. Inyo mancataik bahasonyo, babedo jo novel-novel patamo lainnyo takah Sitti Nurbaya (1923) dari Marah Rusli, karya Sariamin indak manyoroti anak dari kaluarga kayo. Kalau Tak Untung mangisahan saurang anak dari kaluarga miskin di kampuang, samantaro Karena Keadaan manggambaran saurang anak tiri jatuah cinto jo gurunyo.[9]

Karya

  • Kalau Tak Untung (1933)
  • Pengaruh Keadaan (1937)
  • Puisi Baru (1946; antologi puisi)
  • Rangkaian Sastra (1952)
  • Seserpih Pinang Sepucuk Sirih (1979; antologi puisi)
  • Panca Juara (1981)
  • Nahkoda Lancang (1982)
  • Cerita Kak Murai, Kembali ke Pangkuan Ayah (1986)
  • Ungu: Antologi Puisi Wanita Penyair Indonesia (1990)

Rujuakan

Catatan kaki

  1. ↑ a b Rampan 2000, hlm. 419–420.
  2. ↑ Teeuw 1980, hlm. 102.
  3. ↑ Asmuni 1983, hlm. 83.
  4. ↑ a b c d Mahayana, Sofyan & Dian 1995, hlm. 37–38.
  5. ↑ Koning 2000, hlm. 57.
  6. ↑ a b TIM, Selasih.
  7. ↑ Koning 2000, hlm. 53.
  8. ↑ Usman 1959, hlm. 111.
  9. ↑ Usman 1959, hlm. 112.

Bacaan lanjuik

Pautan lua

Strategi Solo vs Squad di Free Fire: Cara Menang Mudah!