Paluru kandali udaro ka darek

AGM-142 pangambangan Israel Desain Gamba.

Paluru kandali udaro ka darek atau paluru kandali udaro ka pamukaan (bahaso Inggirih: air-to-ground missile, AGM, atau air-to-surface missile, ASM) adolah rudal nan didesain untuak diluncuakan dari kapa tabang militer atau jinih lainnyo dan manyarang sasaran parmukoan baiak di darek maupun di lauik (aia). Rudal iko sarupo jo bom layang bakandali tapi dianggap sabagai rudal. Rudal iko biasonyo punyo sistem pandorong propulsion system. Sistem pandorong nan paliang umum digunoan untuak rudal udaro ka darek iyolah motor roket jo masin jet. Cho iko bahubuangan juo jo jarak dari rudal- jauah atau dakek. Babarapo rudal udaro ka darek Soviet ditanagoi dek ramjet, mambuek inyo punyo jarak nan jauah dan kacapatan nan tenggi.

Sijarah

Henschel Hs 293
Henschel Hs 293 (di Museum München Jerman)
Tipe	Paluru kandali
Tampek asa	Jerman

Paluru kandali udaro ka darek partamo dikambangkan sabalun Parang Dunia II, misalnyo RS-82 dan RS-132 Soviet. Di Jerman, inyo iyolah pangambangan labiah lanjuik dari rudal nan awalnyo dikambangkan untuak digunoan malawan kapa lauik. Contohnyo iyolah Panzerblitz II dan III, marupoan turunan dari paluru kandali udaro ka udaro R4M "Orkan".

Pangandalian nan umum untuak rudal udaro ka darek iyolah malalui pangandali laser, pangandali infra merah, pangandali optik atau manggunoan sinyal GPS. Tipe pangandalian tagantuang dari jinih target. Contohnyo radar aktif maupun pasif relatif mudah untuak mandeteksi target sabuah kapa di tangah lauik tapi radar indak dapek diandalkan untuak mandeteksi target sasaran darek nan biasonyo indak manganduang kadar basi banyak dan indak dikalilingi dek lahan kosong di sakaliliangnyo (cando kapa di tangah lauik).

Ado babarapo pancampuaran antaro rudal udaro ka darek, dan rudal darek ka darek. Sabagai contoh, adonyo versi luncua udaro dari Rudal Tomahawk, dek biktu kini alah digantian dek AGM-86 (AGM-86 ALCM). Rudal lain nan digunoan untuak 2 fungsi iyolah Rudal Penguin (Rudal Anti Kapa Penguin) dan Rudal AGM-84 Harpoon (Rudal Anti Kapa AGM-84 Harpoon). Banyak rudal udaro ka darek dapek digunoan baiak untuak target kapa maupun target sasaran darek. Contohnyo SLAM / Standoff Land Attack Missile iyolah versi sorang darek dari Harpoon.

Sacaro umum samakin tinggi dan capek kapatabang paluncua rudal mangudaro mako makin jauah pulo jarak jangkauan dari rudal tasabuik. Untuak rudal jarak jauah pambedanyo indak talampai mancolok tapi untuak rudal jarak dakek (samacam AGM-65 Maverick) pambedanyo dapek sangek gadang bilo diluncuakan dari katinggian.

Ado babarapo jinih dari Rudal Balistik luncua udaro tapi sangek jarang. Takadang rudal udaro ka darek dibagi dalam kategori taktis dan strategis, umumnyo iko untuak mambedakan antar sanjato konvensional (atau sanjato nuklir ukuran ketek) sabagai sanjato taktis dan sanjato nuklir (godang), dan juo sabagai sanjato strategis.

Rujuakan

• Jeremy Flack: Lenk- und Abwurfwaffen der NATO-Luftwaffen. Motorbuch Verlag, ISBN 3-613-02525-6.

Pautan lua

• EADS - Cassidian division - Products
• DIEHL Defence: Guided Missiles
• Israel Military Industries Ltd. - Air-to-Ground Ammunition Archived 2013-05-23 di Wayback Machine.
• Kongsberg Gruppen
• Lockheed Martin - JASSM
• MBDA missile systems - solutions
• NTI.org - HiWING Mechanical & Electrical Technology Corporation
• Royal Air Force - Long Range Air-to-Surface weapons - Brimstone
• Raytheon Company - AGM-65 Maverick missile
• SAAB Group - Weapon systems
• TAURUS Systems GmbH