Kota Palangka Raya adolah kota nan juo ibu kota Provinsi Kalimantan Tengah. Kota ko talatak di antaro Batang Kahayan jo Batang Sabangau. Kota ko mampunyoi laweh wilayah 2.400 km2 sarato bapanduduak sabanyak 283.612 urang jo kapadatan rato-rato 118,7 urang tiok km2.[1] Kota ko dapek dijangkau malalui jalua udaro jo palabuahan udaro tadakek adolah Palabuahan Udaro Tjilik Riwut.[4]
Kota iko ditaruko pado taun 1957 (UU Darurat No. 10/1957 tentang Pembentukan Daerah Swatantra Tingkat I Kalimantan Tengah) untuak manjadi ibu kota dari Kalimantan Tengah nan pado tahun itu juo baru batagak.[5] Lahan nan dijadikan kota ko samulo adolah hutan rimbo nan marupokan bagian dari Kampuang Pahandut di tapian Batang Kahayan. Kini Palangka Raya manjadi kota paliang laweh wilayahnyo di Indonesia, ampiang samo jo 3,6 kali laweh Jakarta.[6] Banyak dari wilayahnyo nan masih hutan rimbo, tamasuak hutan linduang, hutan konservasi, jo Hutan Tangkiling.[7]
Pado maso pambangunannyo, Presiden Soekarno marencanakan untuak manjadikan Palangka Raya sabagi ibu kota nagara di maso nan ka tibo manggantikan Jakarta.[8][9][10][11] Namun, pado tahun 2019 alah diumumkan baso ibu kota nagara nan baru talatak di Kalimantan Timur.[12][13]
Pandirian kota ko indak talapeh dari pambantukan Provinsi Kalimantan Tengah. Provinsi ko tabantuak pado 23 Mei1957. Sangkek itu, Presiden Soekarno mainstruksikan untuak manaruko kota baru untuak manjadi ibu kotanyo. Salamo maso manaruko inggo batagak kota, pamarintahan provinsi ko masih manompang di Banjarmasin, Kalimantan Selatan. Pado 17 Juli 1957, Presiden Soekarno mandirikan tiang kota ko di lahan nan samulo Rimbo Kampuang Pahandut. Pado acara ko presiden pun cinan untuak manjadikan kota ko sabagai ibu kota nagara di maso nan ka tibo.[14][15] Baru pado taun 1958 malalui UU no. 21 taun 1958, Pahandut baganti namo manjadi Kota Palangka Raya dan resmi manjadi ibu kota provinsi.[16]
Pado taun 2019, wacana pamindahan ibu kota nagara Indonesia muncua baliak untuak manggantian Jakarta. Presiden Joko Widodo cinan pulo untuak mamindahkannyo ka lua Jawa dan Palangka Raya manjadi salah satu kandidat kota pangganti. Namun, pado akhia 2019 diumumkan baso ibu kota nagara bapindah ka Penajam Paser Utara, Kalimantan Timur.[12][13][17]
Asa mulo namo
Palangka Raya tadiri dari duo kato nan barasa dari bahaso Dayak Ngaju jo Sanskerta. Palangka (Ngaju) aratinyo tampek suci atau wadah sasajen, samantaro raya (Sanskerta) aratinyo rayo, basa, atau gadang, sainggo dapek diaratikan Palangka Raya manjadi tampek tingga nan gadang. Dipiliah namo ko untuak manggantikan namo sabalunnyo (Pahandut) adolah dek kota kota ko talatak di tangah-tangah kawasan adat Dayak sarato diarokkan manjadi tampek tingga basamo warga nagara nan baragam lata balakang.[18]
Geografi
Bateh wilayah
Bateh-bateh wilayah Kota Palangka Raya antaro lain:[1]
Kota Palangka Raya tabagi dalam limo kecamatan. Barikuik daftar kecamatan nan ado:[1]
Kecamatan
Ibu kota kecamatan
Laweh
Pahandut
Pahandut
119,73
Sabangau
Kalampangan
640,74
Jekan Raya
Palangka
387,54
Bukit Batu
Tangkiling
603,15
Rakumpit
Mungku Baru
1.101, 98
Iklim
Kota Palangka Raya mampunyoi iklim tropis hujan hujan. Rato-rato suhu di kota ko ado dalam rantang 26,9oC inggo 28,2oC, paliang angek di bulan Mei dan paliang sajuak di bulan Desember. Samantaro ari hujan taseba sapanjang taun sabanyak 176 ari hujan.[1]
↑"Archived copy". Diarsipkan dari versi asli tanggal 21 September 2013. Diakses tanggal 20 June 2020.Parameter |url-status= yang tidak diketahui akan diabaikan (bantuan)
↑Nasrudin Ansori, "Cruising the Dream Capital", Garuda Magazine, September 2010
↑"Archived copy". Diarsipkan dari versi asli tanggal 21 September 2013. Diakses tanggal 20 June 2020.Parameter |url-status= yang tidak diketahui akan diabaikan (bantuan)
