Nepal (bahaso Nepali: नेपाल [neˈpal]), nan namo rasminyo Republik Demokratik Federal Nepal,[12] adolah ciek nagara padalaman (takuruang daratan) nan barado di Asia Selatan. Sabagian gadang wilayahnyo talatak di pagunuangan Himalaya, tapi ado pulo sabagian ketek pulo nan tamasuak bagian dari dataran randah Indo-Gangga. Jumalah panduduaknyo dipakiroan mancapai 26,4 juta jiwa, di ma nagara iko marupoan paringkek ka-48 di dunia kok diliek dari populasinyo, sarato paringkek ka-93 kok diliek dari laweh wilayahnyo.[8][13] Nepal babateh wilayah jo Cino di sabalah utaranyo, sarato jo India di selatan, timur, jo baratnyo; samantaro Bangladesh talatak anyo 27 km (17 mi) dari ujuang tenggaranyo, jo Bhutan tapisah jo nagara bagian Sikkim di Indian. Karagaman geografi Nepal maliputi dataran-dataran subua,[14] bukik-bukik rimbo sub-alpina, sarato dalapan dari sapuluah gunuang tatinggi di dunia, tamasuak Gunuang Everest nan adolah titiak tatinggi di Bumi. Kathmandu adolah ibukota jo kota tagadang di nagara ko. Nepal marupoan nagara multietnik nan mamakai bahaso Nepali sabagai bahaso rasminyo.
Namo "Nepal" patamo kali tacataik dalam naskah-naskah dari periode Weda di anak benua India, pado maso India kuno kutiko ajaran Hinduisme tabantuak, nan adolah agamo utamo nagara iko. Pado patangahan milenium patamo SM, Buddha Gautama nan pambao ajaran Buddhisme laia di Lumbini di Nepal selatan. Sabagian dari Nepal utara bakaik arek jo budayo Tibet. Lambah Kathmandu nan lataknyo di tangah-tangah bakaik arek jo budayo Indo-Aryan,[15] jo marupoan tampek kaduduakan pasakutuan (konferderasi) Newar nan makmur nan dikana jo sabuikan Mandala Nepal. Jalua Himalaya nan bagian dari Jalan Sutra kuno dikuasoi dek para padagang lambah. Wilayah kosmopolitan ko mangambangan seni jo arsitektur tradisionalnyo nan kusuih. Pado abaik ka-18, Karajaan Gorkha barasia manyatuan Nepal. Dinasti Shah mandirian Karajaan Nepal jo kudian basakutu jo Karajaan Britania, di bawah kabijakan dinasti Rana sabagai para pardana mantarinyo. Nagara iko indak panah dijajah namun manjadi nagara panyangga (buffer state) antaro Kakaisaran Cino jo India Britania.[16][17][18] Demokrasi parlementer dijalanan sajak 1951, tapi duo kali sampek ditangguahan dek rajo-rajo Nepal, yaitu taun 1960 jo 2005. Parang Saudara Nepal pado taun 1990-n jo awa 2000-an maakibaikan tabantuaknyo republik sekuler pado taun 2008, inggo baakia pulo lah karajoan Hindu taakia di dunia iko.[19]
Galeri
- Nepal
-
Kathmandu
-
Kathmandu
-
Bhaktapur
-
Patan
-
Himalaya
-
Himalaya
-
Mustang
-
Sawah
Rujuakan
Kutipan rusak: Tag <ref>
ado untuak grup banamo "lower-alpha", tapi indak ado <references group="lower-alpha"/>