Museum Sastra Melaka

Museum Sastra Malaysia nan sarupo jo bantuak rumah
Sabagian isi di dalam Musem Sastra Malaysia

Museum Sastra Melaka ( Melayu: Muzium Sastera Melaka ) adolah museum nan diparuntuakan untuak mancaliak informasi-informasi tentang karya-karya sastra Malaysia. Museum iko barado di Kota Melaka, Melaka, Malaysia.[1][2]

Sijarah

Museum iko diabangun katiko panjajahan inggirih di Malaysia. Lokasi bangunannyo barado di jalan Bukik Paul. Pado maso panjajahan Inggirih tu, museum ko dipagunoan sabagai tampek tingga dan juo sabagai panjaro tahanan.[3] Sasudah Malaysia mardeka pado taun 1957, bangunan iko digunoan sabagai kantua dek Parusahaan Pambangunan Negeri Melaka ( Melayu: Perbadanan Kemajuan Negeri Melaka ) hinggo taun 1974 sabalum dipindahan ka Ayer Keroh sabagai lokasi nan baru untuak perusahaan tu kini ko.[4] Bangunan nan alah ditinggan dek parusahaan tu kamudian diubah manjadi Museum Sastra Melaka nan diresmian dek kapalo mentri negara bagian Melaka nan katiko itu banamo Mohd Zin Abdul Ghani pado taun 1984.[5] Samanjak kota Melaka ditetapkan sabagai warisan dunia dek UNESCO pado tanggal 7 Juli 2008, bangunan museum ko pun mangalami parbaikan jo pamugaran nan pangarajoannyo di mulai dari bulan Juli 2008 hinggo bulan Mei 2009. Pangarajoannyo ko maabihan piti sabanyak 1, 7 juta ringgik Malaysia.[3][6] Museum iko kamudian dibukak baliak untuak masyarakaik umum pado tanggal 1 Agustus 2009.[7]

Bantuak Museum

Bangunan museum iko mampunyoi desain nan sarupo jo bantuak rumah atau tampek tingga karano dapek dicaliak di bagian mungko dari bangunan ko punyo kamiripan jo ruang tamu.[8]

Isi Museum

Museum iko mamamerkan materi nan bakaitan jo sijarah tatulih Melaka, tulisan-tulisan Munsyi Abdullah sarato jo carito rakyat Melayu satampek. Museum ko juo manampilkan pakambangan sastra di tanah Melaka muali dari pariode Kesultanan Malaka sampai ka pariode kini yakninyo sastra kontemporer. Bagian mungko museum manampilkan mural nan manggambarkan evolusi panulihan di negara Malaysia mulai dari panggunoan batu kapua, hinggo panganalan tulisan Arab, bakambangnyo Jawi, sampai tarakhia panggunoan alaik nan modern sarupo komputer. Sabagian nyo tadapek pulo carito kisah Hang Tuah. Museum iko juo manampilkan huruf-huruf Melayu lamo, huruf malayu partamo nan dipakai masyarakaik wakatu itu nan dikatahui berasal dari abaik ka-16. Salain tu ado pulo tentang jaso-jaso panulih Melayu, sarato jo pangaruah Islam tahadok hukum negara tasabuik.[8] Isi panjalehan tentang barang nan apo sajo ado di situ dapek di caliak jo caro manggunoan panel grafis, ruang patunjuakan, audio visual, jo papan informasi.[3][9]. Museum iko pernah mandapek protes masyarkaik karano mangasampiangan pangaruah etnis India jo Cina pado warisan sastra Malaysia.[8]

Jam Bukak Museum

Museum iko dibukak satiok hari mulai dari pukua 9.00 pagi sampai pukua 5.30 patang hari.[9]

Rujuakan

  1. ↑ "Virtual Museum Melaka". Virtualmuseummelaka.com. 
  2. ↑ Ibrahim Mohd Noor. "Muzium-muzium Di Negeri Melaka -MyRokan". Myrokan.com. 
  3. ↑ a b c "Muzium Sastera Melaka dibaik pulih RM1.7 juta". Ww1.utusan.com.my. 
  4. ↑ "HUBUNGI KAMI". Pknm.gov.my. Diarsipkan dari versi asli tanggal 2016-12-04. Diakses tanggal 2019-11-18. 
  5. ↑ "PERZIM - Museum of Literature". PERZIM. Diarsipkan dari versi asli tanggal 2015-07-06. Diakses tanggal 2019-11-18. 
  6. ↑ "Muzium Sastera Melaka bakal berwajah baru". Ww1.utusan.com.my. 
  7. ↑ "Muzium Sastera kini dibuka semula". Ww1.utusan.com.my. Diarsipkan dari versi asli tanggal 2016-03-05. Diakses tanggal 2019-11-18. 
  8. ↑ a b c Daniel, Timothy P. (2005). Building Cultural Nationalism in Malaysia: Identity, Representation, and Citizenship. New York: Routledge. pp. 108–109. https://books.google.com/books?id=Bv6ezG3V968C&pg=PA112. 
  9. ↑ a b "Literature Museum". AmazingMelaka.com. Diarsipkan dari versi asli tanggal 2019-11-18. 

Strategi Solo vs Squad di Free Fire: Cara Menang Mudah!