Muhammad

Muhammad
Selawat ^(id)

Namo dalam bahaso usali	(ar) مُحَمَّدُ بْنُ عَبْدِ اللهِ بْنِ عَبْدِ الْمُطَّلِبِ
Biografi
Lahia	20 April 571 Makah
Kamatian	8 Juni 632 (61 tahun ^(id) ) Madinah
Tampek dimakamkan	Makam Muhammad ^(id)
Kalompok etnis	Urang Arab
Agamo	Hanif ^(id) jo Islam
Kagiatan
Karajo	Gembala ^(id) , pengamanat barang ^(id) , pedagang ^(id) , nabi ^(id) , pengkhotbah ^(id) , politikus jo pemimpin militer ^(id)
Murid ^(id)	Anas bin Malik ^(id) , Abdullah bin Abbas ^(id) , `Uqbah bin Amir ^(id) jo Zaid bin Tsabit ^(id)
Konflik ^(id)	Daftar ekspedisi Muhammad ^(id) , Paparangan Badar, Pertempuran Uhud ^(id) , Pertempuran Khandaq ^(id) , Pertempuran Khaibar ^(id) , Pertempuran Hunain ^(id) jo Ekspedisi Tabuk ^(id)
Kaluarga
Kaluarga	Bani Hasyim ^(id)
Pasangan hiduik	Khadijah binti Khuwailid ^(id) (595–619) Saudah binti Zum'ah ^(id) (619–632) Aisyah ^(id) (619–632) Hafshah binti Umar ^(id) (624–632) Zainab binti Khuzaimah ^(id) (625–627) Zainab binti Jahsy ^(id) (627–632) Juwairiyah binti al-Harits ^(id) (628–632) Ramlah binti Abu Sufyan ^(id) (628–632) Raihanah binti Zaid ^(id) (629–631) Shafiyah binti Huyay ^(id) (629–632) Hindun binti Abi Umayyah ^(id) (629–632) Maria al-Qabtiyya ^(id) (630–632) Maimunah binti al-Harits ^(id) (630–632)
Anak	Abd-Allah bin Muhammad ^(id) Qasim bin Muhammad ^(id) Ibrahim bin Muhammad ^(id) Zainab binti Muhammad ^(id) Ruqayyah binti Muhammad ^(id) Ummu Kultsum binti Muhammad ^(id) Fatimah az-Zahra ^(id)
Abak	Abdullah bin Syaibah ^(id) , Aminah binti Wahab ^(id)
Kerabat ^(id)	Ali bin Abi Thalib (son-in-law ^(en) , male pure masculine first cousin ^(en) ) Halimah As-Sa'diyah ^(id) (milk kinship ^(en) ) Hamzah bin Abdul Muthalib (paternal uncle ^(en) , milk kinship ^(en) ) Abu Thalib ^(id) (paternal uncle ^(en) ) Syaibah bin Hâsyim ^(id) (kakek dari pihak ayah ^(id) ) Hasan bin Ali ^(id) (daughter's son ^(en) ) Husain bin Ali ^(id) (daughter's son ^(en) ) Zainab binti Ali ^(id) (daughter's daughter ^(en) ) Abbas bin Abdul Muthalib (paternal uncle ^(en) ) Abu Lahab ^(id) (paternal uncle ^(en) ) Saffiyah binti Abdul-Muththalib ^(id) (bibi dari pihak ayah ^(id) ) Harits bin Abdul Muthalib ^(id) (paternal uncle ^(en) ) Az-Zubayr ibn ‘Abd al-Muttalib ^(en) (paternal uncle ^(en) ) Ummi Kultsum binti Ali ^(id) (daughter's daughter ^(en) )

Bagian dari seri tantang
Islam
Iman Allah Tuhan Nan Maha Aso Malaikat Kitab Allah Utusan Allah Hari Kiamaik Qadha & Qadar
Ritual Syahadaik Salat Puaso Zakaik Haji
Teks dan hukum Al-Quran Sunnah Hadits Fiqih Syariah Kalam
Sijarah jo pamimpin Garih wakatu Muhammad Ahlul Bait Sahabat Khulafaur Rasyidin Kakhalifahan Panyebaran Islam
Denominasi Sunni Syiah Sufisme Ibadi Ahmadiyah Non-denominasi Quranisme NOI (Five-Percent) Liberal
Budaya jo masyarakaik Akademik Anak-anak Dakwah Demografi Hewan Festival Filsafat Kalender Madrasah Musajik Politik Sains Seni Wanita
Topik takaik Agamo lain Islamisme Kritik Islamofobia Glosarium
v t e

Muḥammad (Arab: ﷴ; terjemahan: Muḥammad;^[1] lafal [mʊˈħæmmæd]  ( dengar)^[2][3][4], salangkoknyo Muḥammad bin Abdullah bin Abdul Mutthalib bin Hasyim (lahia di Makah, 20 April 570 – maningga di Madinah, 8 Juni 632 pado umua 62 taun) adolah nabi nan rasul tarakhia manuruik umaik Islam manuruik Al-Qur'an surah Al-Ahzab:33/40. Nabi Muhammad mamuloi panyebaran ajaran Islam untuak saluruah umaik manusia jo mawarihan pamarentahan tungga Islam. Walaupun non-Muslim umumnyo manganggap Muhammad sabagai pandiri Islam, dalam pandangan Muslim, Muhammad turuik managakan ajaran tauhid untuak mangasokan Allah sabagaimano nan dibaok dek nabi jo rasul sabalunnyo sajak dari Nabi Nuh. Umaik Muslim manyabuik Muhammad jo salam panghormatan Shalallaahu 'Alayhi Wasallam sarato diiriangi salawat Nabi satiok namo Muhammad disabuik.

Lahia pado taun 570 di Makah, Muhammad malalui maso ketek sabagai yatim piatu; digadangan di bawah asuahan paktuonyo Abu Thalib. Baranjak gadang, Muhammad bakarajo sabagai padagang. Muhammad kadang-kadang mangasiangan diri ka ngalau di sabuah bukik sampai bamalam-malam untuak maranuang jo badoa; diriwayaikkan dalam umua ka-40, Muhammad didatangi dek Malaikaik Jibril sarato manarimo wahyu partamo dari Allah. Muhammad manyatoan diri sabagai utusan Allah, sabagaimano nabi-nabi nan alah Allah utuih sabalunnyo. Tigo taun sasudah wahyu partamo, Muhammad muloi badakwah sacaro tarang-tarangan, manyatokan kaasoan Allah dalam bantuak panyarahan diri malalui Islam sabagai agamo nan bana. Muhammad manarimo wahyu baransua-angsua sampai maningga dunia. Praktek atau amalan Muhammad diriwayaikan dalam hadits, dirujuak dek umaik Islam sabagai sumber hukum Islam basamo Al-Qur'an.

Muhammad basamo pangikuik awa mandapek babagai bantuak palawanan jo panyiksoan dari babarapo suku di Makah. Sairiang panganiayoan nan taruih balanjuik, Muhammad mambuliahan babarapo pangikuiknyo hijrah ka Habsyah, sabalun Muhammad mamulai misi hijrah ka Madinah pado taun 622. Paristiwa hijrah manandoi awal pananggalan Kalender Hijriah dalam Islam. Di Madinah, Muhammad manyatuan suku-suku di bawah Piagam Madinah. Sasudah salapan taun batahan dek sarangan suku-suku Makah, Muhammad mangumpuan 10.000 Muslim untuak mangapuang Mekkah. Sarangan indak mandapek palawanan nan bararti inggo Muhammad maambiak aliah kota tanpa saketek patumpahan darah. Wakatu itu Muhammad mangancuan juo patuang-patuang sakitar Ka'bah. Pado taun 632, babarapo bulan sasudah baliak ka Madinah salapeh manjalani Haji Wada, Muhammad jatuah sakik lalu wafat. Muhammad maninggaan Jazirah Arab nan alah basatu dalam pamarentahan tunggal Islam nan sabagian gadangnyo alah manarimo Islam.

Etimologi

"Muhammad" (Arab: محمد بن عبد الله; terjemahan: Muḥammad;^[5] lafal [mʊħɑmmæd]  ( dengar))^[4][6][7] sacaro bahaso barasa dari aka kato semitik 'H-M-D' nan dalam bahaso Arab bararti "inyo nan tapuji". Salain itu, dalam salah satu ayat Al-Qur'an,^[8] Muhammad diimbau jo namo "Ahmad" (أحمد), nan dalam bahaso Arab bararti "tapuji" juo.

Sabalun maso kanabian, Muhammad mandapekan duo gala dari suku Quraisy (suku tagadang di Makah nan suku dari Muhammad juo) iyolah Al-Amiin nan aratinyo "urang nan dapaek dipicayo" jo As-Saadiq nan aratinyo "nan bana". Sasudah maso kanabian para sahabatnyo maimbaunyo jo gala Rasul Allāh (رسول الله), alah tu manambahan kalimaik Shalallaahu 'Alayhi Wasallam (صلى الله عليه و سلم, nan bararti "mudah-mudahan Allah maagiah kasanangan jo salamaik kapadonyo"; acok disingkek "S.A.W" atau "SAW") sasudah namonyo.

Muhammad juo mandapekan julukan Abu al-Qasim^[9] nan bararti "Apak Qasim", karano Muhammad panah punyo anak bujang nan banamo Qasim, tapi maningga dunia sabalun gadang.

Genealogi

Ranji Muhammad dari kaduo urang tuonya baliak ka Kilab bin Murrah bin Ka'b bin Lu'ay bin Ghalib bin Fihr (Quraish) bin Malik bin an-Nadr (Qais) bin Kinanah bin Khuzaimah bin Mudrikah (Amir) bin Ilyas bin Mudhar bin Nizar bin Ma`ad bin Adnan.^[10] Adnan marupokan katurunan bujang ka tujuah dari Ismail bin Ibrahim, iyolah katurunan Sam bin Nuh.

Labiah langkok ranji dari Muhammad sampai Adam adolah Muhammad bin Abdullah bin Abdul Mutthalib bin Hasyim bin Abdul Manaf bin Qushay bin Kilab bin Murrah bin Ka’ab bin Luay bin Ghalib bin Fihr (Quraisy) bin Malik bin Nadhr bin Kinanah bin Khuzayma bin Mudrikah bin Ilyas bin Mudhar bin Nizar bin Ma'ad bin Adnan bin Udad bin al-Muqawwam bin Nahur bin Tayrah bin Ya'rub bin Yasyjub bin Nabit bin Ismail bin Ibrahim bin Tarih (Azar) bin Nahur bin Saru’ bin Ra’u bin Falikh bin Aybir bin Syalikh bin Arfakhsyad bin Sam bin Nuh bin Lamikh bin Mutusyalikh bin Akhnukh bin Yarda bin Mahlil bin Qinan bin Yanish bin Syits bin Adam.

Nasab ko disabuikan dek Muhammad bin Ishak bin Yasar al-Madani di salah satu riwayaiknyo. Nasab Rasulullah sampai Adnan disapakati dek para ulama, sadangkan sasudah Adnan tajadi pabedaan pandapaik. Mukasuik dari Quraisy adolah anak bujang dari Fihr bin Malik atau an-Nadhr bin Kinanah.

Riwayat

Kelahiran

Para ulama dan panuliih sirah sapandapek baso hari kalahiran Muhammad jatuah pado bulan Rabiul Awal.^[11] Muhammad lahia di Makah, kota bagian selatan Jazirah Arab, labiah-kurang taun 570, badakekan jo Taun Gajah nan marupoan taun kagagalan panyarangan Mekkah dek pasukan bagajah di bawah pimpinan Abrahah.^[12][13] Pandapek paliang mashua marujuak tanggal 12 Rabiul Awal sabagai hari kalahiran Muhammad. Manuruik teks hadits, Muhammad manyebuik hari Senin sabagai hari kalahirannyo. Panulih sirah Sulaiman Al-Manshurfuri jo ahli astronomi Mahmud Basya dalam panalitiannyo malacak hari Senin nan dimukasuik batepekan jo tanggal 9 Rabiul Awal.

Muhammad barasa dari sabuah klan suku Quraisy yakni Bani Hasyim nan mawarisi ranji tahormat di Makah, sakalipun indak tanamo karano kakayoannyo.^[14] Ayahnyo, Abdullah maningga wakatu Muhammad masih dalam kanduangan, anam bulan sabalun kalahiran.^[15] Muhammad bayi dibaok tingga basamo kaluarga dusun di padalaman, mangikuik tradisi pakotaan maso itu untuak manguekan badan jo manjauahan anak dari panyakik pakotaan.^[16] Baliau diasuah jo disusui dek Halimah binti Abi Dhuayb di kampuang Bani Saad salamo duo taun.^[17] Sasudah itu, Muhammad ketek dibaliakan untuak diasuah kapado budak Ummu Aiman. Pado umua ka-6, Muhammad kahilangan mandehnyo, Aminah karano sakik.^[17][18] Salamo duo taun sasudahnyo, kabutuahan Muhammad ditangguang jo dicukuikan dek inyiaknyo dari kaluargo ayah, 'Abd al-Muththalib. Katiko barumua salapan tahun, inyiaknyo maningga lalu Muhammad sasudahnyo diasuah dek mamaknyo Abu Thalib nan tampia sabagai pamuko Bani Hasyim sapaningga Abdul Muththalib.^[17][19]

Rujuakan

1. Unicode has a special "Muhammad" ligature at U+FDF4 ﷴ
2. klik di siko untuak lafal Arab.
3. Variant transcriptions of Muhammad's name, besides those used above, include — (English and multiple European languages:) "Mahomet"; (French:) "Mahomet, Mohamed, Mouhammed, Mahon, Mahomés, Mahun, Mahum, Mahumet, Mahound (medieval French), Mohand (for Berber speakers), Mouhammadou and Mamadou (in Sub-Saharan Africa)"; (Latin:) "Machometus, Mahumetus, Mahometus, Macometus, Mahometes"; (Spanish:) "Mahoma"; (Italian:) "Maometto"; (Portuguese:) "Maomé"; (Greek:) "Μωάμεθ, Μουχάμμαντ, Μοχάμαντ, Μοχάμεντ, Μουχάμεντ, Μουχάμμαιντ"; (Turkish:) "Mehmet"; (Kurdish:) "Mihemed". See also Encyclopedia of Islam: (German:) "Machmet" (pre-20th century).
4. The sources frequently say that, in his youth, he was called by the nickname "Al-Amin" meaning "Honest, Truthful" cf. Ernst (2004), p. 85.
5. Unicode has a special "Muhammad" ligature at U+FDF4 ﷴ
6. click here for the Pengucapan Arab.
7. babagai namo Muhammad dalam bahaso Parancih: "Mahon, Mahomés, Mahun, Mahum, Mahumet"; dalam bahaso Jerman: "Machmet"; jo dalam bahaso Islandia kuno: "Maúmet" cf Muhammad, Encyclopedia of Islam
8. Surah As-Saff (QS 61:6)
9. Dari Anas bin Malik, inyo mangecekan, "Saurang mangimbau kawannyo di pakubuan Baqi' sambia maimbau, 'Wahai Abul Qasim!' Rasulullah SAW manoleh kapadonyo. Inyo mangecekan, 'Wahai Rasulullah, indak engkau nan ambo mukasuik, tapi ambo mangimbau si fulan.' Mako Rasulullah SAW basabda, 'Pakailah namo ambo tapi jan pakai kuniyah ambo'," (Hadits riwayaik Bukhari no. 3537 jo Muslim no. 2131).
10. Lings, Martin. Muhammad: Kisah Hidup Nabi berdasarkan Sumber Klasik. Jakarta: Penerbit Serambi, 2002. ISBN 979-3335-16-5
11. Esposito, John L. (ed.) (2003). The Oxford Dictionary of Islam. p. 198. ISBN 978-0-19-512558-0. http://books.google.com/?id=E324pQEEQQcC&pg=PA198&dq=muhammad+birthday+Rabi%27+al-awwal#v=onepage&q=muhammad%20birthday%20Rabi%27%20al-awwal&f=false. Diakses pado 19 Juni 2012. 
12. * Conrad, Lawrence I. (1987). "Abraha and Muhammad: some observations apropos of chronology and literary topoi in the early Arabic historical tradition1". Bulletin of the School of Oriental and African Studies. 50 (2): 225–240. doi:10.1017/S0041977X00049016. Diarsipkan dari versi asli tanggal 2012-01-21. Diakses tanggal 2015-04-09. 
    • Sherrard Beaumont Burnaby (1901). Elements of the Jewish and Muhammadan calendars: with rules and tables and explanatory notes on the Julian and Gregorian calendars. G. Bell. p. 465. http://archive.org/details/elementsofjewish00burnuoft. 
    • Hamidullah, Muhammad (February 1969). "The Nasi', the Hijrah Calendar and the Need of Preparing a New Concordance for the Hijrah and Gregorian Eras: Why the Existing Western Concordances are Not to be Relied Upon" (PDF). The Islamic Review & Arab Affairs: 6–12. Diarsipkan dari versi asli (PDF) tanggal 2012-11-05. Diakses tanggal 2015-04-09. 
13. Encyclopedia of World History (1998), p. 452
14. Buhl, F.; Welch, A. T. (1993). "Muḥammad". Encyclopaedia of Islam. 7 (edisi ke-2nd). Brill Academic Publishers. pp. 360–376. ISBN 90-04-09419-9. 
15. Meri, Josef W. (2004), Medieval Islamic civilization, 1, Routledge, hlm. 525, ISBN 978-0-415-96690-0, diakses tanggal 3 January 2013 
16. Watt, "Halimah bint Abi Dhuayb", Encyclopaedia of Islam.
17. An Introduction to the Quran (1895), p. 182
18. Watt, Amina, Encyclopaedia of Islam
19. Watt (1974), p. 7.

Artikel batopik biografi tokoh ko baru babantuak rancangan. Sanak dapek mambantu Wikipedia mangambangannyo.