Kota Banjarbaru adolah ibu kotaProvinsi Kalimantan Selatan nan juo manjadi pusek pamarintahan dari Provinsi Kalimantan Selatan sajak taun 2022, statusnyo sabagai ibu kota provinsi Kalimantan Selatan alah ditatapkan, manggantikan Kota Banjarmasin, manuruik Undang-Undang Nomor 8 Tahun 2022.[6] Bajarak kiro-kiro 33 km dari Kota Banjarmasin, kota iko marupokan pamekaran dari Kabupaten Banjar. Kota Banjarbaru juo marupokan sabuah wilayah kota nan talatak di provinsi Kalimantan Selatan, Indonesia. Sabalunnyo, sabagian gadang wilayahnyo marupokan Kawedanan di dalam Kabupaten Banjar, nan kudian dimekarkan sabagai sebuah kota nan tagak surang sajak 1999. Indeks Pambangunan Manusia atau IPM taun 2021 di kota Banjarbaru marupokan nan tatinggi di provinsi Kalimantan Selatan, yakni 79,26.[5]
Kota Banjarbaru batagak pado tanggal 20 April 1999 dan mampunyoi laweh wilayah 371,38 km². Sadoalah wilayah Kota Banjarbaru marupokan bagian dari kawasan Banjar Bakula. Banjarbaru tabagi ateh 5 kecamatan dan 20 kelurahan, jo jumlah penduduk 262.719 jiwa (2022).[2]
Demografi
Kampung Pelangi Banjarbaru
Suku banso
Dibandiangkan wilayah Kalimantan Selatan pado umumnyo, panduduak Kota Banjarbaru labiah heterogen, walau tatap didominasi urang Banjar (56,17%) nan barasa dari baragam daerah di Kalimantan Selatan. Panduduak asali nan mauni Banjarbaru adolah urang Banjar Kuala nan tingga di wilayah Cempaka, nan tanamo sabagai tampek pandulangan intan tradisional. Di Banjarbaru juo banyak urang Banjar dari daerah-daerah lain di Kalimantan Selatan, baiak dari kota Banjarmasin dan Martapura maupun urang Banjar Hulu dari Banua Anam nan umumnyo tingga di pusek pakotaan.
Etnis paliang gadang kaduo di Banjarbaru yaitu urang Jao (32,78%). Di Kecamatan Landasan Ulin, urang Jao marupokan etnis paliang gadang malabiahi jumlah urang Banjar. Etnis-etnis lainnyo nan ado di Banjarbaru yaitu urang Sunda, Madura, Batak, Dayak, Bugih dan lain-lain.[7]
Komposisi Suku banso di kota Banjarbaru taun 2010 antaro lain:[7]
