Kabupaten Nias Barat

Kabupaten Nias Barat
Kabupaten di Sumatera Utara, Indonesia
Lambang
Semboyan: Hasambua
Nagara	Indonesia
Provinsi	Sumatera Utara
Tanggal paresmian	26 November 2008
Dasa hukum	UU Nomor 46 Tahun 2008
Ibu kota	Lahomi
Pamarintahan
• Bupati	Khenoki Waruwu
• Wakil Bupati	Era-Era Hia
• Sekretaris Daerah	Dr. Fakhili Gulö
Laweh
• Total	520,34 km^2 (200,90 sq mi)
Panduduak (2020)[1]
• Total	89.994 jiwa
• Kapadatan	173/km^2 (450/sq mi)
Demografi
• Etnik	Suku Nias, Suku Batak, Suku Minang
• Agamo	Kristen 97,73% - Protestan 78,48% - Katolik 19,25% Islam 2,26% Budha 0,01%[2]
• Bahaso	Bahaso Nias, Indonesia
Zona wakatu	WIB
Kode telepon	-
Jumlah kecamatan	8
Jumlah desa	105
DAU	Rp 371.229.195.000,- (2020)[3]
IPM	▲ 61,51 (2020) Sedang[4]
Flora resmi	-
Fauna resmi	-
Kode Kemendagri	12.25
Situs web	niasbaratkab.go.id

Kabupaten Nias Barat adolah salah satu kabupaten nan barado di Provinsi Sumatra Utara, Indonesia, tapeknyo di pulau Nias. Kabupaten iko diresmian dek Menteri Dalam Negeri Indonesia, Mardiyanto, pado 26 Mei 2009, sabagai salah satu hasia dari pamekaran Kabupaten Nias. Manuruik data Badan Pusat Statistik Nias Barat tahun 2021, panduduak kabupaten iko pado tahun 2020 bajumlah 89.994 jiwa dengan kapadatan panduduak 173 jiwa/km².^[1]

Sijarah

Kabupaten Nias Barat marupoan hasia pamekaran dari Kabupaten Nias marujuak kapado UU Nomor 46 Tahun 2008 ^[5] Kabupaten iko tadiri dari 8 kecamatan sarato jo 105 desa. Nias Barat manjadi Daerah Otonomi Baru (DOB) pado maso Bupati Nias Binahati B. Baeha dan Presiden Republik Indonesia Susilo Bambang Yudhoyono. Menteri Dalam Negeri Republik Indonesia Mardiyanto malewakan Nias Barat manjadi DOB pado dari Salasa tanggal 26/05/2009, sakaligus malewa Faduhusi Daeli sabagai Penjabat Bupati (Pj) Nias Barat. Sasudah 18 bulan Faduhusi Daeli maunduakan diri sabagai Penjabat Bupati Nias Barat dek karano manjadi calon bupati Nias Barat definitif. Roda pamarintahan kamudian dijalanan dek Palaksana Tugas Bupati Nias Barat Drs. Sudirman Waruwu.^[5]

Pado 2 Februari 2011 untuak partamo kalinyo, Nias Barat malaksanakan Pamiliahan Kapalo Daerah jo Wakil Kapalo Daerah (Pilkada). Ado tigo pasangan calon, yaitunyo: Faduhusi Daeli-Sinar Abdi Gulö (FASIA), Yupiter Gulö-Raradödö Daeli (PIRA), jo Adrianus Aroziduhu Gulö dan Hermit Hia (AARO’ÖHE). Pasangan calon nan tapiliah sabagai Bupati jo Wakil Bupati Nias Barat definitif adolah Adrianus Aroziduhu Gulö jo Hermit Hia. Baliau dilewa dek Palaksana Tugas Gubernur Sumatwra Utara pado 13 April 2011.^[6]

Geografis

Bateh Wilayah

Utara	Kecamatan Tugala Oyo
Selatan	Kecamatan Lölöwau
Barat	Samudera Indonesia
Timur	Kecamatan Botomuzöi, Kecamatan Gidö, Kecamatan Hili Serangkai, dan Kecamatan Ma'u

Pamarintahan

Daftar Bupati

Bupati	Wakil Bupati	Periode
Adrianus Aroziduhu Gulö, SH., MH	Hermit Hia, S.Ip	13 April 2011-13 April 2016
Faduhusi Daeli, S.Pd	Khenoki Waruwu	22 April-sekarang

Dewan Perwakilan

Barikuik iko adolah komposisi anggota DPRD Kabupaten Nias Barat dalam duo pariode tarakhia.^[7][8]

Partai Politik	Jumlah Kursi dalam Periode
	2014-2019	2019-2024
PKB	1	1
Gerindra	3	▼ 2
PDI Perjuangan	2	▲ 5
Golkar	3	▼ 2
NasDem	1	▲ 4
PAN	1	1
Hanura	2	▲ 4
Demokrat	7	▼ 1
Jumlah Anggota	20	20
Jumlah Partai	8	8

Kecamatan

Barikuik iko kecamatan nan barado di dalam wilayah Kabupaten Nias Barat: Kecamatan Lahömi, Kecamatan Lölöfitu Moi, Kecamatan Mandrehe, Kecamatan Mandrehe Barat, Kecamatan Mandrehe Utara, Kecamatan Moro'ö, Kecamatan Sirombu, Kecamatan Ulu Moro'ö.^[9]

Pariwisata

Potensi pariwisata di Kabupaten Nias Barat sangaik gadang tarutamo dek kaadaan geografisnyo nan langsuang babatehan jo Samudera Hindia di sabalah barat kabupaten iko. Nias Barat mampunyoi andalan pariwisata kapulauan yakninyo Kapulauan Hinako nan tadiri ateh salapan pulau-pulau ketek nan rancak antaro lain: Pulau Hinako, Pulau Bögi, Pulau Bawa, Pulau Asu, Pulau Imana, Pulau Heruanga, Pulau Hamutala, Pulau Langu.^[10]

Ka salapan pulau iko barado di Kecamatan Sirombu Nias Barat. Pulau-pulau ketek iko punyo pantai bapasia putiah, tarumbu karang, jo parak karambia punyo masyarakaik. Pulau Asu jo Pulau Bawa acok dikunjuangi dek wisatawan mancanegara untuak kagiatan surfing (basilanca) jo diving (manyalam) karano mampunyoi ombak nan tinggi sarato tarumbu karang nan banyak. Pulau-pulau iko masih tajago karano pado umumnyo sangaik minim pauni bahkan ado nan indak bapauni samo sakali sarupo Pulau Hamutala, Pulau Heruanga jo Pulau Langu.^[10]

Rujuakan

1. "Kabupaten Nias Barat Dalam Angka 2021" (pdf). www.niasbarat.bps.go.id. hlm. 7, 60. Diakses tanggal 15 April 2021. 
2. "Visualisasi Data Kependudukan - Kementerian Dalam Negeri 2020". www.dukcapil.kemendagri.go.id. Diakses tanggal 15 April 2021. 
3. "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Diakses tanggal 15 April 2021.  Periksa nilai tanggal di: |date= (bantuan)^{[pranala nonaktif permanen]}
4. "Metode Baru Indeks Pembangunan 2019-2020". www.bps.go.id. Diakses tanggal 15 April 2021. 
5. "archive copy" (PDF). Diarsipkan dari versi asli (PDF) tanggal 2017-07-03. Diakses tanggal 2021-07-07. 
6. http://www.niasisland.com/home/writing_disp.php?writing_no_option=005495&category_code_option=NW Archived 2017-02-16 di Wayback Machine., diakses 16 Februari 2017
7. "Perolehan Kursi DPRD Kabupaten Nias Barat Periode 2014-2019". Diarsipkan dari versi asli tanggal 2022-01-23. Diakses tanggal 2021-07-07. 
8. Perolehan Kursi DPRD Kabupaten Nias Barat 2019-2024^{[pranala nonaktif permanen]}
9. "Profil Kabupaten Nias Barat". Diarsipkan dari versi asli tanggal 2021-09-27. Diakses tanggal 27-09-2021.  Periksa nilai tanggal di: |access-date= (bantuan)
10. "Pulau Hinako – Dinas Kebudayaan & Pariwisata Provinsi Sumatera Utara" (dalam bahasa Inggris). Diarsipkan dari versi asli tanggal 2021-07-09. Diakses tanggal 2021-07-07. 

Pautan lua