Kabupaten Ketapang

Kabupaten Ketapang
Daerah tingkat II di Kalimantan Barat, Indonesia
Lambang
Semboyan: kota asri
Nagara	Indonesia
Provinsi	Kalimantan Barat
Tanggal paresmian	-
Dasa hukum	-
Ibu kota	Delta Pawan
Pamarintahan
• Bupati Wakil Bupati]]	Martin Rantan, SH Drs.Suprapto S
Laweh
• Total	31.588,00 km^2 (12,196,19 sq mi)
Panduduak (2020)[1]
• Total	570.657 jiwa
• Kapadatan	18/km^2 (50/sq mi)
Demografi
• Agamo	Islam 58,89% Kristen 38,42% — Katolik 28,79% — Protestan 9,63% Konghucu 0,64% Buddha 0,57% Hindu 0,20% Lainnya 1,20%[2]
Zona wakatu	WIB (UTC+07:00)
Kode telepon	0534
Jumlah kecamatan	20
Jumlah kelurahan	9
Jumlah desa	253
DAU	Rp 1.165.047.376.000,- (2020)[3]
IPM	▲ 67,17 (2020) Sedang[4]
Palabuahan udaro	Bandar Udara Rahadi Oesman
Kode Kemendagri	61.04
Situs web	ketapangkab.go.id

Kabupaten Ketapang adolah salah satu Daerah Tingkek II di provinsi Kalimantan Barat. Ibukota kabupaten iko talatak di Kecamatan Delta Pawan atau nan dikenal sabagai Kota Ketapang, sabuah kota nan talatak di sagitigo Sungai Pawan. Kabupaten iko punyo lueh wilayahnyo 31.588,00 km² dan mamiliki panduduk sebanyak 570.657 jiwa (2020).^[1]

Sijarah

Maso pamarintahan Hindia Balando

Pado maso pamarintahan Hindia Balando, sajak tahun 1936 Kabupaten Ketapang adolah salah satu daerah (afdeling) nan marupokan bagian dari Keresidenan Kalimantan Barat (Residente Western Afdeling van Borneo) nan pusat pamarintahannyo di Pontianak. Kabupaten Ketapang katiko itu dibagi manjadi tigo Onder Afdeling, yaitu:

• Sukadana, bakadudukan di Sukadana
• Matan Hilia, bakadudukan di Ketapang
• Matan Hulu, bakadudukan di Nanga Tayap

Masing-masing Onder Afdeling dipimpin dek surang Wedana.

Tiok-tiok Onder Afdeling dibagi manjadi Onder Distrik, yaitu:

• Sukadana tadiri dari Onder Distrik Sukadana, Simpang Hilia jo Simpang Hulu
• Matan Hilia tadiri dari Onder Distrik Matan Hilia jo Kendawangan
• Matan Hulu tadiri dari Onder Distrik Sandai, Nanga Tayap, Tumbang Titi jo Marau

Masiang-masiang Onder Distrik dipimpin dek surang Asisten Wedana.

Afdeling Ketapang tadiri ateh tigo kerajaan, yaitu:

• Kerajaan Matan nan mambawahi Onder Afdeling Matan Hilia jo Matan Hulu
• Kerajaan Sukadana nan mambawahi Onder Distrik Sukadana
• Kerajaan Simpang nan mambawahi Onder Distrik Simpang Hilia jo Simpang Hulu

Tiok karajaan dipimpin dek surang Panembahan sampai tahun 1942, wilayah-wilayah iko dipimpin dek:

• Karajaan Matan dek Gusti Muhammad Saunan jo kini dipimpin Rajo PRK Haji Gusti Kamboja
• Karajaan Sukadana dek Tengku Betung
• Kerajaan Simpang dek Gusti Mesir

Keraton Matan

Masa Pendudukan Jepang

Maso pamarintahan Hindia Belanda salasai jo datangnyo bala tantara Jepang pado tahun 1942. Dalam maso pandudukan tantara Japang, Kabupaten Ketapang masih tetap dalam status Afdeling, hanyo sajo pimpinan langsung diambiak alih dek Jepang.

Pamerintahan pandudukan Japang nan barakhir kakuasaannyo pado tahun 1945 diganti dek Pamerintahan Tantara Balando (NICA). Pado maso iko bantuak pemerintahan nan ado sabalumnya masih ditaruihan. Kabupaten Ketapang bastatus Afdeling nan disampurnakan jo Stard Blood 1948 No. 58 jo pangakuan adonyo Pamarintahan swapraja. Pado wakatu itu Kabupaten Ketapang tabagi manjadi tigo pamarintahan swapraja, yaitu Sukadana, Simpang jo Matan, kamudian saluruah daerah swapraja yang ado digabuangkan manjadi sabuah Federasi.

Pambanntukan Kabupaten Ketapang pado maso Pamarintahan Republik Indonesia adolah badasarkan Undang-undang Nomor 25 tahun 1956 nan manetapkan status Kabupaten Ketapang sabagai bagian Daerah Otonom Provinsi Kalimantan Barat nan dipimpin dek surang Bupati.

Geografi

Kabupaten Ketapang marupokan salah satu kabupaten nan barado di Provinsi Kalimantan Barat, talatak di antaro garis 0º 19’00” - 3º 05’ 00” Lintang Selatan dan 108º 42’ 00” - 111º 16’ 00” Bujua Timur. Dibandiangkan kabupaten lain di Kalimantan Barat, Kabupaten Ketapang marupokan kabupaten paliang lueh, mamiliki pantai nan mamanjang dari selatan ka utara dan sabagian pantai marupokan muaro sungai, berupo rawa-rawa tabantang mulai dari Kecamatan Teluk Batang, Simpang Hilir, Sukadana, Matan Hilir Utara, Matan Hilir Selatan, Kendawangan dan Pulau Maya Karimata, sadangkan daerah hulu umumnyo barupo daratan nan babukik-bukik jo diantaronyo masih marupokan rimbo gadang.

Sungai tapanjang di Kabupaten Ketapang adaloh Sungai Pawan nan menghubungkan Kota Ketapang jo Kecamatan Sandai, Nanga Tayap sarato Sungai Laur sarato manjadi urek nadi panghubuang kegiatan ekonomi masyarakaik dari desa jo kecamatan sarato kabupaten.

Bateh Wilayah

Adopun bateh-bateh wilayah administrasi Kabupaten Ketapang adolah sabagai barikuik:

Utara	Kabupaten Kubu Raya dan Kabupaten Sanggau
Selatan	Laut Jawa
Barat	Selat Karimata dan Kabupaten Kayong Utara
Timur	Provinsi Kalimantan Tengah dan Kabupaten Sintang

Topografi

Daerah pantai mamanjang dari utara ka selatan jo daerah aliran sungai marupokan dataran barawa-rawa, yakni mulai dari kecamatan Taluak Batang, Simpang Hilir, Sukadana, Matan Hilir Utara, Matan Hilir Selatan, Kendawangan jo Pulau Maya Karimata. Sadangkan wilayah pahuluan umumnyo barupo daerah babukik-bukik. Sungai tapanjang di Kabupaten Ketapang adolah sungai Pawan. Juo tadapek sungai-sungai gadang lainnyo, yoitu sungai Merawan , Kendawangan jo Jelai.

Geologi

Jiniah tanah nan tadapek di Kabupaten Ketapang barupo tanah podsolik merah kuniang, litosol/regosol, latosol, andosol dan organosal. Tanah podsolik merah kuniang tadapek di daerah hulu bagian tangah, mamanjang dari utara ka selatan, maliputi kecamatan:

• Tumbang Titi
• Jelai Hulu
• Marau
• Simpang Hulu
• Sandau
• Nanga Tayap
• Sungai Laur
• Sabagian kecamatan Manis Mata

Tanah litosol/rigosol tadapek di daerah hulu agak ka timur, sabagian gadang tadapek di kecamatan:

• Sungai Laur
• Simpang Hulu
• Sandai
• Nanga Tayap

Tanah latosol terdapat di kecamatan:

• Sandai
• Sungai Laur

Tanah organosal sabagian gadang tadapek di daerah pantai, mamanjang dari utara ka selatan, yoitu di kecamatan:

• Simpang Hilir
• Pulau Maya Karimata
• Sukadana
• Matan Hilir Utara
• Matan Hilir Selatan
• Kendawangan
• Manis Mata

Jiniah tanah andosol hanya terdapat di kecamatan Sandai bagian timur.

Iklim

Kabupaten Ketapang baiklim tropis jo suhu rato-rato 23,70 °C - 26,70 °C kalau suhu pado siang hari mancapai 30,80 °C sarato mamiliki curah hujan rato-rato 3696,1 mm/tahun jo curah hujan rato-rato per tahun sabanyak 214 kali, sadangkan kecepatan angin adolah 3,1 knot dan marupokan nan tatinggi di Kalimantan Barat.

Pamarintahan

Kabupaten Ketapang mampunyai lueh wilayah 35.809 km² (± 3.580.900 ha) nan tadiri dari 33.209 km² wilayah daratan dan 2.600 km² wilayah paairan sarato mamiliki 20 kecamatan,^[5] yaitu:

1. Benua Kayong
2. Air Upas
3. Delta Pawan
4. Hulu Sungai
5. Jelai Hulu
6. Kendawangan
7. Manis Mata
8. Marau
9. Matan Hilir Selatan
10. Matan Hilir Utara
11. Muara Pawan
12. Nanga Tayap
13. Pemaham
14. Sandai
15. Simpang Dua
16. Simpang Hulu
17. Singkup
18. Sungai Melayu Raya
19. Sungai Laur
20. Tumbang Titi

Kota Ketapang dan Tugu Tolak Bala

Kabupaten Hulu Aik

Persiapan Kabupaten Hulu Aik adolah daerah pemekaran baru di Kabupaten Ketapang bagian utara nan sadang dalam proses pengajuan. Hulu Aik marupokan usulan dari masyarakat di 5 Kecamatan,^[6] yoitu :

• Simpang Hulu
• Simpang Dua
• Sungai Laur
• Sandai
• Hulu Sungai

Ekonomi

Pandapatan utamo Kabupaten Ketapang barasal dari usaho kayu, kelapa sawit, sarang burung walet jo jasa perdagangan. Kadai Gadang di Ketapang banyak dimiliki dek etnis Tionghua.

Pendidikan

Tadapek babarapo SD, SMP, SMA dan SMK di kota iko jo beberapo parguruan tinggi, antaro lain:

• STAI Al Haudl (Sekolah Tinggi Agama Islam)
• Politeknik Negeri Ketapang (Politap)
• Akademi Manajemen Komputer dan Informatika (AMKI) Ketapang
• Universitas Terbuka (UT)

Kesehatan

Tadapek Tigo rumah sakit di kota iko, yoitu :

1. Rumah Sakit Umum Daerah Agoesdjam (Negeri/Pemerintah Daerah)
2. Rumah Sakit Fatima (Swasta/Yayasan Pelayanan Kasih)
3. dan Rumah Sakit Bersalin Permata Bunda (Swasta).

Demografi

Kelenteng Tua Pek Kong

Jumlah panduduak Kabupaten Ketapang nan maliputi 20 kecamatan adolah 570.657 jiwa (tahun 2020) yang tadiri dari laki-laki 297.266 jiwa jo padusi 273.391 jiwa. Kota Ketapang adolah kota nan multi suku jo etnis, yoitu Suku Dayak dan Malayu sarata Tionghua nan marupokan tigo suku paliang banyak di kota ko. Salain itu juo ado suku Jawa dan Madura. Urang Tionghua di kota ko manggunokan dialek Tiochiu (dalam ejaan Mandarin: Chaozhou) sebagai bahaso pangantar sasamo warga Tionghua. Juo tadapek sabagian urang Tionghua nan manggunokan bahaso Khek (Hakka).

Pariwisata

Tampek Wisata

Tugu Ale-ale

Ado babarapo tampek khas nan ado di Kabupaten Ketapang diantaronyo:

• Tadapek banyak pantai sapanjang garis pantai Kabupaten Ketapang. Pantai-pantai nan rancak jo mudah tajangkau di antaronyo: Pantai Sungai Jawi (Pantai Penage) (10 km ke Selatan), Pantai Tanjung Batu (30 km ke Selatan), Pantai Pagar Mentimun (45 km ke Selatan), Pantai Air Mata Permai (13 km ke Utara) jo Pantai Tanjung Belandang (15 km ke Utara).

Rancaknyo Pantai Sungai Jawi katiko matohari tabanam

• Tugu Ale-ale talatak di simpang Jl. R. Suprapto jo jalan manuju jambatan Pawan 1 nan malintasi Sungai Pawan. Ale-ale adalah sejenis kerang bakulik haluih nan manjadi makanan khas dari daerah Ketapang. Tugu iko juo sabagai titiak 0 Kilo meter Kota Ketapang.
• Tugu Tolak Bala talatak di tangah Kota Ketapang, yaitu di simpang tigo Jl. Merdeka dan Jl. A. Yani.
• Keraton Matan Tanjungpura, dahulu merupokan Kesultanan/Kerajaan, kini dipimpin dek Raja PRK Haji Gusti Kamboja, talatak di Kelurahan Mulia Kerta Ketapang dan meadok ka Sungai Pawan.
• Kelenteng Tua Pek Kong, yaitu ampek ibadah umat Tridharma nan talatak di Jl. Merdeka, Ketapang.

Rujuakan

1. "Kabupaten Ketapang Dalam Angka 2021" (pdf). www.ketapangkab.bps.go.id. BPS Kabupaten Ketapang. hlm. 10, 92. Diakses tanggal 16 April 2021. 
2. "Kabupaten Ketapang Dalam Angka 2019". www.ketapangkab.bps.go.id. BPS Kabupaten Ketapang. Diakses tanggal 17 Januari 2020. 
3. "Rincian Alokasi Dana Alokasi Umum Provinsi/Kabupaten Kota Dalam APBN T.A 2020" (PDF). www.djpk.kemenkeu.go.id. (2020). Diakses tanggal 16 April 2021.  Periksa nilai tanggal di: |date= (bantuan)^{[pranala nonaktif permanen]}
4. "Metode Baru Indeks Pembangunan 2019-2020". www.bps.go.id. Diakses tanggal 16 April 2021. 
5. "Nama-nama Kecamatan di Kabupaten Ketapang". Pemerintah Kabupaten Ketapang Humas Setda Ketapang. Diarsipkan dari versi asli tanggal 2013-02-24. Diakses tanggal 2013-05-31. 
6. News, Ketapang (2017-02-02). "Pemkab Wacanakan Pemekaran Daerah Otonomi Baru". Ketapangnews.com - Portal Berita Ketapang (dalam bahasa Inggris). Diakses tanggal 2021-05-30. 

Pautan lua

• (Indonesia) Situs Website Resmi Pemerintah Kabupaten Ketapang
• (Indonesia) Aviastar Archived 2021-06-02 di Wayback Machine. (Penerbangan Langsung Jakarta-Ketapang PP)
• (Indonesia) Kalstar Aviation (Penerbangan dari Ketapang-Pontianak-Jakarta dan Ketapang-Pangkalan Bun-Semarang/Surabaya/Banjarmasin)