PROFILBARU.COM

Gunuang Kurinci
Gunuang Kurinci
	Gunuang Kurinci nampak nan dari Kayuaro
Katinggian	3.805 m (12.48 ft)
Puncak	3.805 m (12.48 ft)Urutan ka-33
Daftar	Ultra; Ribu
Lokasi
	Berkas:Sumatra Topography Jambi, Indonesia
Jajaran	Bukik Barisan
Geologi
Jinih	Stratovolcano
Busur/Sabuk vulkanik	Cincin Api Pasifik
Latuih taakia	2009
Pandakian
Pandakian patamo	1877 dek von Hasselt and Veth
Rute mudah	Kersik Tuo

Gunuang Kurinci (juo diijo "Kerinci", dan tanamo sabagai Gunuang Gedang, Berapi Kurinci, Kerinchi, Korinci, atau Puncak Indrapura) adolah gunuang tatinggi di Sumatra, gunuang api tatinggi di Indonesia, dan puncak tatinggi di Indonesia di lua Papua. Gunuang Kurinci talatak di Provinsi Jambi, di Pagunuangan Bukik Barisan, dakek pantai barat, dan talatak sakitar 130 km sabalah selatan Padang, Provinsi Sumatra Barat. Gunuang ko dikaliliangi hutan rimbo Taman Nasional Kurinci Seblat dan marupokan habitat harimau sumatra dan badak sumatra.

Puncak Gunuang Kurinci ado pado katinggian 3.805 mdpl, di Kabupaten Kurinci, Provinsi Jambi, di siko pangunjuang dapek mancaliak di kajauahan tabantang panorama rancak Kota Jambi, Padang, dan Bengkulu. Bahkan Samudera Hindia nan laweh dapek nampak sacaro jaleh. Gunuang Kurinci mampunyoi kawah selaweh 400 x 120 meter dan barisi aia nan barono hijau. Di sabalah timur ado Danau Bento, rawo baraia janiah tatinggi di Sumatra. Di bulakangnyo ado Gunuang Tujuah jo kawah nan amaik indah nan hampia indak tasantuah.

Gunuang Kurinci marupokan gunuang api batipe stratovulcano nan masih aktif dan tarakhia kali malatuih pado taun 2009.

Topografi

Gunuang Kurinci babantuak karucuik jo leba 13 km (8 mil) dan panjang 25 km (16 mil), mamanjang dari utara ka selatan. Pado puncaknya di sisi timur lauik ado kawah sedalam 600 meter (1.969 kaki) barisi aia barono hijau. Inggo kini, kawah nan baukuran 400 x 120 meter ko masih bastatus aktif.

Gunuang Kurinci tamasuak dalam bagian dari Taman Nasional Kurinci Seblat (TNKS). TNKS adolah sabuah wilayah konservasi nan mampunyoi laweh 1.484.650 hektare dan talatak di wilayah ampek provinsi, nan sabagaian gadangnyo ado di wilayah Jambi. TNKS surang marupokan bagian dari Pagunuangan Bukik Barisan nan mamanjang dari utara ka selatan di Pulau Sumatra.

Gunuang Kurinci marupokan gunuang tipe A aktif nan ado sakitar 130 kilometer arah selatan Kota Padang.

Tipe latuihan : Tipe Hawaii
Bantuak gunuang : Gunuang Strato atau karucuik
Tipe erupsi : Erupsi Eksplosif
Kaaktifan gunuang : Tipe A

Flora dan Fauna

Tanaman dataran randah didominasi dek babarapo jinih mahoni, ado juo tanaman raksasa Bungo Raflesia Rafflesia Arnoldi jo Suweg Raksasa Amorphophallus Titanum. Pohon cemara juo tumbuah di Gunuang Kurinci. Jo Taman Nasional Leuser, taman ko taalang dek Danau Toba jo Ngarai Sianok, sainggo sabagaian binatang nan indak ado di Taman Leuser ado di siko, co tapir (Tapirus indicus) jo kuskus (Tarsius bancanus).

Ado banyak binatang khas Sumatra co gajah, badak sumatera, arimau, baribeh, macan tutul, kacuali urang utan. Babagai primata co siamang, gibbon, monyet ikua panjang, jo Presbytis melapophos. Ado juo 140 jinih buruang.

Pandakian

Gunuang Kurinci dapek ditampuah malalui darek dari Kota Jambi manuju Kota Sungaipenuh malalui Bangko. Dan dapek juo jalur udaro dari Palabuahan Udaro Internasional Sultan Thaha manuju Palabuahan Udaro Depati Parbo di Kabupaten Kurinci, Provinsi Jambi. Dan dapek juo ditampuah dari Padang, Lubuk Linggau, jo Bengkulu. Jo kapatabang dapek mandarek di Kota Jambi atau Kota Padang.

Kaindahan panorama jo kakayoan flora dan fauna dapek ditamui mulai dari dataran randah inggo puncak Gunuang Kurinci. Indak anya untuak dinikmati tapi dapek juo untuak malakuan panalitian jo pandidikan. Pandakian ka puncak Gunuang Kurinci maabihan wakatu duo ari mulai dari Pos Kersik Tuo kabupaten Kurinci Provinsi Jambi.

Desa Kersik Tuo, Kecamatan Kayu Aro ado pado katinggian 1.400 mdpl jo panduduak nan tadiri dari urang-urang baparak katurunan Jawa, sainggo bahaso setampek adolah bahaso Jawa. Dari Kersik Tuo kita manuju ka Pos Panjagoan TNKS atau R10 pado katinggian 1.611 mdpi jo berjalan kaki sakitar 45 minik malintasi parak teh.

Pondok R 10 adolah pondok jago balai TNKS untuak maawasi satiok pangunjuang nan ka mandaki Gunuang Kurinci. Dari R10 kita manuju ka Pintu Rimba jo katinggian 1.800 mdpl, Jaraknyo sakitar 2 km jo wakatu tampuah kurang labiah 1 jam pajalanan. Medanny babantuak parak/ladang panduduak, kondisi jalan rancak (aspal) sampai ka bateh utan.

Pintu Rimbo marupokan gerbang awa pandakian ado dalam bateh hutan antaro ladang dan hutan heterogen sabagai pintu masuak. Pintu Rimbo ado pado katinggian 1.800 mdpl. Di siko adolokasi shelter dan juo lokasi aia kurang labiah 200 meter sabalah kiri. Jarak tampuah ka Bangku Panjang 2 km atau 30 minik pajalanan, lintasannyaoagak landai meaasuaki kawasan hutan heterogen.

Pos Bangku Panjang jo katinggian 1.909 mdpl, ado duo buah shelter nan dapek digunoan untuak baistirahaik. Manuju Batu Lumut medan masih landai jarak 2 km jo wakatu tampuah sakitar 45 minik malintasi kawasan hutan. Pandaki dapek baistirahaik di Pos Batu Lumut nan ado di katinggian 2.000 mdpl, namun di siko indak ado shelter-nyo. ado sungai nan kadang kariang di musim kamarau.

Untuak manuju Pos 1 nan bajarak sakitar 2 km dari Batu Lumut paralu wakatu sakitar 1,5 jam. Jalua masuak kawasan hutan nan rimbo dan terjal jo kamiriangan 45 inggo 60 darajaik.

Pos 1 iko ado di katinggian 2.225 mdpl dan ado sabuah pondok nan dapek digunokan untuak baistirahaik. Untuak manuju Pos 2 jarak nan musti ditampuah sakitar 3 km jo wakatu tampuah 2 jam. Di lintasan ko kadang dijumpai medan nan terjal jo teleang inggo 45 darajaik tapi masih basobok jo medan nan landai.

Ado sabuah pondok nan alah lamo di pos 2 nan ado di katinggian 2.510 mdpl, di siko pandaki dapek baistirahat. Untuak manuju Pos 3 jarak nan musti ditampuah adolah 2 km jo wakatu tampuah sakitar 3 jam. Di lintasan ko dapek basobok tanaman paku-pakuan jo kondisi hutan nan agak tabukak.

Ado pondok nan alah caia tingga karangkanyo di Pos 3 nan ado di katinggian 3.073 mdpl. Di tampek ko pandaki dapek baistirahaik dan masih nyaman untuak mandirian tenda dek masih talinduang dek pohon-pohon. Wakatu tampuah untuak manuju puncak dari pos ko sakitar 4 jam.

Untuak manuju ka Pos 4 jarak nan musti ditampuah sakitar 1,5 km, paralu wakatu sakitar 1,5 jam. Kondisi jalur bak cando bakeh aliran aia sainggo dapek barubah manjadi banda kok turun ujan. Pos 4 ado pado katinggian 3.351 mdpl, tampek ko cukuik lapang dan dapek untuak mandirian babarapo tenda, namun cuaco di siko acok bana indak basahabaik. Lintasan salanjuiknyo untuak manuju puncak babantuak pasia jo batuan cadas. Jarak tampuah manuju puncak 2 km jo wakatu tampuah sakitar 3 jam. Di lintasan ko pandaki paralu labiah elok-elok.

Danau

Taman Nasional Kurinci Seblat mampunyoi saindaknyo 15 danau, jo danau paliang gadangnyo Danau Kurinci, diikuti Danau Gunuang Tujuah. Danau Kurinci talatak pado katinggian 650 mdpl, dan acok diadoan Festival Danau Kurinci tiok taun. Sadang Danau Gunuang Tujuah adolah danau nan tabantuak dari kaldera gunuang api saisuak, di ma ado tujuah puncak bakuliliang. Danau ko juo danau paliang tinggi di Asia Tenggara jo katinggian 1.996 meter.^[1]