Hj. Aisyah Aminy, S.H. (lahia di Padang Panjang, Sumatera Barat, 1 Desember 1931; umua 93 taun) adolah politikus asal Indonesia. Inyo marupoan anggota DPR RI/MPR RI sajak tahun 1977 hinggo tahun 2004 mawakili Partai Persatuan Pembangunan (PPP).[1][2] Aisyah tacatai sabagai salah surang politikus Indonesia nan paliang lamo duduak di kursi parlemen.[3]
Riwayat hiduik
Aisyah lahia dari pasangan Muhammad Amin dan Jalisah asa Nagari Magek, Agam, Sumatera Barat. Urang gaeknyo marupoan padagang paliang tanamo di Padangpanjang.[4] Aisyah marupoan salah saurang siswa Diniyah Putri. Satamaik dari sekolah tersebut, inyo malanjuikan Sekolah Guru Agama. Kudian inyo mandapek gala sarjana hukum di Universitas Islam Indonesia, Yogyakarta.
Kehidupan
Pado maso Agresi Militer Belanda II, inyo turuik bajuang dengan bagabung di bagian dapua umum jo Palang Merah Indonesia. Pado maso manampuah bangku kuliah di Yogyakarta, inyo aktif di organisasi PII jo Himpunan Mahasiswa Islam.
Kariernya dimulai katiko inyo diajak dek Mohammad Roem untuak manjadi pambela hukum Kasman Singodimedjo. Sejak itu, inyo taruih diajak dek Roem untuak manangani kasus-kasus hukum. Pado tahun 1959, inyo alah manjadi advokat independen dan taruih bakarajo di bidang itu hinggo tahun 1987.
Pado tahun 1967, inyo tapiliah sabagai anggota DPR-GR. Kudian sajak tahun 1977 hinggo 2004, inyo taruih tapiliah sabagai anggota MPR jo DPR dari Partai Persatuan Pembangunan. Di parlemen, inyo marupoan salah saurang ahli bicara. Dek santiang mandebat, inyo diagiah gala "Singa Betina dari Senayan".[5]
Karya
- Pasang Surut Peran DPR-MPR (1945-2004) (2004)
Rujuakan
Pautan lua
