Agus Salim

Agus Salim

Biografi
Lahia	8 Oktober 1884 Bukittinggi
Kamatian	4 Nopember 1954 (70 tahun ^(id) ) Daerah Kusuih Ibukota Jakarta
Tampek dimakamkan	Taman Makam Pahlawan Nasional Utama Kalibata ^(id)
Menteri Luar Negeri ^(id)   3 Juli 1947 – 20 Juli 1949 ← Sutan Syahrir – Mohammed Roemhof ^(en)  →   Anggota Volksraad ^(id)   17 Mai 1921 – 20 Mai 1924
Data pribadi
Kalompok etnis	Urang Minangkabau
Agamo	Islam
Kagiatan
Karajo	Diplomat ^(id) , wartawan jo pangarang
Partai politik	Partai Sarekat Islam ^(id)
Dipangaruahi dek	Ahmad Khatib Al-Minangkabawi
Kaluarga
Pasangan hiduik	Zainatun Nahar ^(id)
Anak	Dolly Salim ^(id) Violet Hanifah Salim ^(id) Bibsy Soenharjo ^(id) Islam Salim ^(id)
Abak	Sutan Mohamad Salim ^(id) , Siti Zainab ^(id)
Sanak saibu/sabapak	Chalid Salim jo Baay Salim
Panghargaan  Pahlawan Nasional Indonesia  Bintang Republik Indonesia  Bintang Mahaputera

Haji Agus Salim (laia pakai namo Masyhudul Haq (nan baarati "pambela kabanaran"); lahia di Koto Gadang, Agam, Sumatera Barat, Hindia Belanda, 8 Oktober 1884 – maningga di Jakarta, Indonesia, 4 November 1954 pado umua 70 taun) adolah surang pajuang kamardekaan Indonesia. Haji Agus Salim ditatapkan sabagai salah surang Pahlawan Nasional Indonesia pado tanggal 27 Desember 1961 malalui Keppres nomor 657 taun 1961^[1].

Latar balakang

Agus Salim laia dari pasangan Soetan Salim gelar Soetan Mohamad Salim jo Siti Zainab. Jabatan tarakhia ayahnyo adolah Kapalo Jaksa di Pengadilan Tinggi Riau.

Pandidikan dasar ditampuah di Europeesche Lagere School (ELS), sakola khusuih anak-anak Eropa, lalu dilanjuik-an ka Hoogere Burgerschool (HBS) di Batavia. Katiko luluih, baliau barhasil manjadi lulusan tabaiak di HBS sa-Hindia Belanda.

Sasudah luluih, Salim bakarajo sabagai panarjamah jo pambantu notaris pado sabuah kongsi patambangan di Indragiri. Pado taun 1906, Salim barangkek ka Jeddah, Arab Saudi untuak bakarajo di Konsulat Balando di sinan. Pado pariode ikolah Salim baguru ka Syeh Ahmad Khatib, nan masih marupoan mamaknyo.

Salim kudian tajun ka dunia jurnalistik sajak taun 1915 di Harian Neratja sabagai Redaktur II. Sasudah tu diangkek manjadi Katua Redaksi. Kagiatannyo dalam bidang jurnalistik taruih balanjuik sampai akhianyo manjadi Pamimpin Harian Hindia Baroe di Jakarta. Salanjuiknyo mandirian surek kaba Fadjar Asia. Lalu sabagai Redaktur Harian Moestika di Yogyakarta sarato mambukak kantua Advies en Informatie Bureau Penerangan Oemoem (AIPO). Basamoan jo itu Agus Salim tajun dalam dunia politik sabagai pamimpin Sarekat Islam.

Agus Salim manikah jo Zaenatun Nahar sarato dikaruniai salapan urang anak.

Karier politik

Pado taun 1915, Salim bagabuang jo Sarekat Islam (SI), sarato manjadi pamimpin kaduo di SI sasudah H.O.S. Tjokroaminoto.

Paran Agus Salim pado maso pajuangan kamardekaan RI antaro lain:

• Anggota Volksraad (1921-1924)
• Anggota panitia 9 BPUPKI nan mempasiapkan UUD 1945
• Mantari Mudo Lua Nagari Kabinet Sjahrir II 1946 jo Kabinet III 1947
• Pambukaan hubuangan diplomatik Indonesia jo nagaro-nagaro Arab, tarutamo Mesir pado taun 1947
• Mantari Lua Nagari Kabinet Amir Sjarifuddin 1947
• Mantari Lua Nagari Kabinet Hatta 1948-1949

Presiden Soekarno jo Agus Salim dalam tahanan Balando, 1949.

Di antaro taun 1946-1950 baliau bagaikan bintang camerlang dalam pagolakan politik Indonesia, sahinggo baliau diagiah gala "Urang Tuo Basa" (The Grand Old Man). Baliaupun parnah manjabat Mantari Lua Nagari RI pado kabinet Presidentil sarato di taun 1950 sampai akhia hayatnyo dipacayo sabagai Panasehat Mantari Lua Nagari.

Pado taun 1952, baliau manjabat Katua di Dewan Kahormatan PWI. Walaupun penanyo tajam sarato kritikannyo padeh, namun Haji Agus Salim dikana masih mahormati bateh-bateh jo manjunjuang tinggi Kode Etik Jurnalistik.

Sasudah maundurkan diri dari dunia politik, pado taun 1953 baliau mangarang buku nan bajudul Bagaimana Takdir, Tawakal dan Tauchid harus dipahamkan?, nan lalu dipabaiki manjadi Keterangan Filsafat Tentang Tauchid, Takdir dan Tawakal.

Baliau maningga pado 4 November 1954 di RSU Jakarta lalu dimakamkan di TMP Kalibata, Jakarta. Namonyo kini diabadian untuak stadion sepak bola di Padang.

Karya tulih

• Riwayat Kedatangan Islam di Indonesia
• Dari Hal Ilmu Quran
• Muhammad voor en na de Hijrah
• Gods Laatste Boodschap
• Jejak Langkah Haji Agus Salim (Kumpulan karya Agus Salim nan dikompilasi koleganya, Oktober 1954)

Karya tajamahan

• Menjinakkan Perempuan Garang (dari The Taming of the Shrew karya Shakespeare)
• Cerita Mowgli Anak Didikan Rimba (dari The Jungle Book karya Rudyard Kipling)
• Sejarah Dunia (karya E. Molt)

Caliak pulo

• Tokoh Indonesia

Rujuak-an

1. Daftar Nama Pahlawan Nasional Republik Indonesia Archived 2012-04-14 di Wayback Machine., Departemen Sosial RI Online, Januari 2010. Diakses 26 Agustus 2012.

Pautan lua

• (Indonesia) "Haji Agus Salim (1884-1954): tentang perang, jihad, dan pluralisme" - Googlebooks
• (Inggirih) New York Times: Best Story; The Book That Killed Colonialism

Jabatan pamarintahan
Didaului jo: Sutan Syahrir	Menteri Luar Negeri Indonesia 1947—1949	Digantian dek: Alexander Andries Maramis
Didaului jo: Alexander Andries Maramis	Menteri Luar Negeri Indonesia 1949	Digantian dek: Mohammad Hatta
Didaului jo: Jabatan baru	Menteri Muda Luar Negeri Indonesia 1946-1947	Digantian dek: Tamsil