Strat limit

Quest articol chì l'è scrivuu in lombard, grafia milanesa.

In di fenòmen de traspòrt, el strat limit l’insegna ona zòna taccada ad una superfice indoe gh’è ona brus’cia variazion de ona grandèzza fisica, che la pò vèss la velocità, la temperadura, o la concentrazion.

Segond la grandèzza fisica che la varia prèss al strat limit a se parla de:

• strat limit de velocità^[1] o de quantità de moto: in fluidodinamica, el strat limit de quantitaa de mòto a l’è el strat de fluid taccàa a ona superfice sòlida indoe la velocitàa la varia de zero (a contàtt cont el còrp) fin al valor de la corenta fluida minga desturbada.
• strat limit che in idrostatica, el rappresenta el strat de liquid, de spessor paragonàbil con la larghèzza molecolar , on zicch sòta el strat indoe la succed la transizion de fase;
• strat limit de temperadura: concètt dopràa in del traspòrt de calor.
• strat limit de materia: concètt dopràa ind el traspòrt de materia (per esempi ind la teoria del film).

Sti trè concètt chì vegnen tucc studiàa de la teoria del strat limit, ma riguarden divèrsi aplicazion. El concètt de strat limit de quantitàa de mòto el ven dopràa in fluidodinamica; el concètt de strat limit de materia el ven dopràa ind la reattoristica e in del traspòrt tra i fasi; el concètt de strat limit de temperadura el ven dopràa in del traspòrt de calor.

De correlazion che ne fànn trà foeura el spessor del strat limit ghe n’è divèrsi se el sistèma l’è in condizion de regimm turborent o de regimm laminà.

A esisten di analogij (compagn de l'analogia del Chilton-Colburn) che ne fànn tràa foeura el spessor d’on strat limìt (per esempi de materia) se a se conóss el spessor de on alter tipo de strat limit (per esempi de quantitàa de mòto).^[2][3][4][5]

1. ↑ Yunus A. Çengel (2005). Termodinamica e trasmissione del calore (in italian). McGraw-Hill, 374. ISBN 88-386-6203-7. 
2. ↑ Transport Phenomena
3. ↑ Comments on analogies for correlated heat and mass transfer in turbulent flow
4. ↑ Modeling in Transport Phenomena
5. ↑ Warren McCabe, pp.356-358

• Bird, R.B., Stewart, W.E. and Lightfoot, E.N. (1960), Transport phenomena, John Wiley & Sons, New York
• Warren McCabe; Julian Smith, Peter Harriott, Unit Operations In Chemical Engineering , 6^a ed. (in inglese), Tata Mcgraw Hill Publishers, 2005, pp.59-63.

• Strat limit de velocità
• Strat limit planetari

• (EN) Thermopedia, "Boundary layer"
• Lo strato limite di temperatura e concentrazione
• Generalised Analysis of Heat and Mass Transfer through Boundary Layers. URL consultad in data 7 marzo 2009. (arqiviad de l'url orijenal in data 26 dicembre 2008)