RagnarLocker

Quest articol chì l'è scrivuu in lombard, grafia milanesa.

Ol contegnid de qell articol qé l'è de atualizar. Al sœmea qe qesta vox qé la g'habie denter dei informazion vegie. Se ta ge rivet, dà-g una sistemada.

RagnarLocker a l'è 'n ransomware sortii in del dicember 2019 che 'l dopera di tecnegh de virtual machine escape per cifrà i file del sistema vittima.

Sortii per la prima voeulta a fin 2019, probabilment faa in l'Europa de l'Est degià che 'l tacca minga i computer in di Pajes de l'ex URSS, l'ha faa el primm attacch de riliev a la compagnia elettriga portoghesa Energias de Portugal, indova che l'ha faa pagà 10 milion e 900 mila dollar de riscatt e l'ha menasciaa de fà sortì on leak de 10 Terabyte.

Intorna a november 2019 l'ha taccaa Capcom, azienda di videogioeugh, e Campari, azienda de bev.

Per prima ròba el dropper, depositaa de solit cont ona vulnerabilità in Remote Desktop Protocol, el controlla el sistema operativ e se l'è impostaa in d'ona lengua de l'ex Union Soviedega el se ferma, sedenò el tacca a mandà 'na cobbia di file del sistema al sò server central e poeu el descarega 'n pacchett con dent 'na version de VirtualBox impostada in manéra de fà vedè el computer host e 'n immagen de Windows XP con dent el malware, che deperluu el pesa nomà 49 kB. El dropper, dopo avè fermaa di servizzi che hinn doperaa per la sicurezza o che pòden tegnì di dacc attiv, compagn di DBMS, el lanzia cont on script batch la macchina virtual e 'l ransomware, che 'l tacca a cifrà i file in sul computer host senza dà de sospett, degià che i domand paren rivà del process de VirtualBox e minga del ransomware.

A la fin del process l'è depositaa el file che 'l domanda el riscatt, che l'è personalizzaa per ogni vittima

• Portuguese energy giant hit by ransomware attack Arqiviad qé: [1]
• MalwareWiki Arqiviad qé: [2]
• Ragnar Locker ransomware deploys virtual machine to dodge security
• Cybercrime, ultimatum di Ragnar Locker a Capcom e Campari