Personal computer

Quest articol chì l'è scrivuu in lombard, grafia milanesa.

Quella vos chi la gh'ha mìnga dì font o a hinn tròpp pocch. Per piesè, gionta di font a la vos. Per avè on'ideja di alter vos senza font, vardee chichinscì.

On personal computer a l'è on quajsevoeur computer che per i sò caratteristich, la soa semplicità e 'l sò cost el pò vess doperaa de 'n unich utent e donca l'è 'l sò computer personal.

Per savenn pussee, varda l'articol Storia del personal computer.

On primm prototip de computer piscininn a l'era el Computer Simon, descritt in d'ona revista in del 1950, ma l'era in realtà on computer cont ona memoria de 2 bit, progettaa e bon domà de vess doperaa per l'educazion.

El primm personal computer commercial a l'è staa la Programma 101 de la Olivetti, faa in del 1965, che, insemma ai sò successor e ai computer ispiraa l'ha menaa el computer in d'on poo de offizi.

Intorna al 1970 la Datapoint la crea on terminal cont di capacità autonom de elaborazion, che l'ha mittuu i bas per el sistema de elaborazion doperaa poeu di processor de la Intel.

A portà el computer in tucc i cà però a l'è staa l'home computer, nassuu in tra el 1975 e 'l 1977: I pussee famos e iconicj a hinn staa el Commodore 64, el Sinclair ZX Spectrum e 'l Apple II.

In del 1981 el ven foeura el primm PC IBM, che in principi el sostituiss i computer in stil Programma 101 in di offizi, ma cont el temp i sò cloni, grazia anca a la diffusion del MS-DOS e del Windows, el deventa in sostanza on standard del settor, adottaa anca de la Apple in del 2005, cont la transizion de l'architettura PowerPC a Intel.

• Wikibooks el gh'ha dent test o manuai in su personal computer
• Wikimedia Commons el gh'ha dent imagin o alter archivi su personal computer

• PC IBM
• Home Computer
• Microcomputer