Meltèmi

Quest articol chì l'è scrivuu in lombard, grafia milanesa.

El meltèmi a l’è on vent locàl che ‘l boffa d’estaa, soratutt in di mes de luij e agost, in sul Mar Egèo. El sò nòmm el ven de la lengua turca. A l’è caosàa del gradient de la pression tra la depression tèrmica stagional sora la Turchia e l’Iran e l’anticiclon di Azzòrre che d’estàa el riva fin sora i Balcan e l’Euròpa oriental. El Meltèmi el boffa de nòrd-èst sora l’Egèo settentrionàl, de nòrd sora l’egeo centràl e meridionàl, de nòrd ovest sora l’Egèo sud – orientàl. Di vòlt el pò interessà anca el Jonio e l’Adriatich. A l’è on vent sècch perchè el ven di zòn continentàj de la Russia. A l’è on vent tipicament costant el persist fint tant che persisten i depression e i ciclon che l’hànn ingeneràa, defàtt, adrée a l’estàa el poò indebolìss domà se ‘na depression la raggiòng la Grecia. In sul mar el boffa in manera regolar de dì e de nòtt, in sui còst inveci l’è alteràa di bris locaj che ghe se sòmen o ghe dann contra segond la sò provenienza con ciclo giornadér. ^[1]

Riferiment

↑ Gianluca Bertoni (2010). La neve, cos’è e come si prevede (in italian). Alpha Test, 45-47. ISBN 978-88-483-1198-4.

Vos Correlad

Vent

[neve-1] Gianluca Bertoni (2010). La neve, cos’è e come si prevede (in italian). Alpha Test, 45-47. ISBN 978-88-483-1198-4.

[1]

Meltèmi

Riferiment

Vos Correlad

Content Disclaimer