Ingeram-Codex

Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Quell articol qì l'è scrivud in Lombard, cond l'ortografia Scriver Lombard.

Ol Codex Ingeram (anc Codex Cotta, Kunsthistorisches Museum A2302), in tedesc Ingeram-Codex, l'è un armorial del Sacro Roman Impero realizad del Hans Ingeram per l'Albert VI d'Asburg ind el 1459. L'è componid per la plu part dei stemi dei Adelsgesellschaften (societaa dei nobei), qe i indava de moda a'l temp, societaa formade dei member de la bassa nobeltaa per organizar dei tornee medievai.

Ol manuscriit al g'ha 142 pajine con la rapresentazion dei stemi, ol plu dei volte in grœp de quater o ses a pajina.

Ol contenid l'è dividid in

• Possediments dei Asburg e nobeltaa austriega (pp. 1–10)
• Exempla, arme atribuide a dei personaj lejendare (anc i Nœv Prode) (12–17)
• Officies (18–27)
• Parts de un armorial Europee (28–35)
• Stemi de l'Austria Asburjega, con dent anc i territore svizzer qe i s'è deciarads indipendents (36–39, p. 40 empty)
• Stemi dei Adelsgesellschaften (41–134)

Despò de la mort de Albert VI, ol manuscriit l'è passad al so fradell, l'imperator Federig III, e plu tarde a Ladislav Jagellon, forse a travers Mattia Corvin, qe l'havress ciapad ind la so invasion de Viena ind el 1485. Ind el 1541 l'era ind i man del cardinal Gasparo Contarini, e ind el 1751 ind la collezion d'antiquariad del Conte Löwenstein-Wertheim. Despò de vesser stait comprad de l'editor Johann Friedrich Cotta ind el XIX secol, l'è stait vendid a un cert Heinrich Höfflinger ind el 1929, e a la fin l'è deventad proprietaa del Kunsthistorisches Museum ind el 1971.

Wikimedia Commons

al gh'a dent roba culegada a:

Ingeram Codex

• (DE) Charlotte Becher, Ortwin Gamber (eds.): Die Wappenbücher Herzog Albrechts VI. von Österreich. Ingeram-Codex der ehemaligen Bibliothek Cotta. Böhlau, Wien u. a. 1986, ISBN 3-205-05002-9, (Jahrbuch der Heraldisch-Genealogischen Gesellschaft Adler Folge 3, Bd. 12, 1984/85).
• (DE) Berthold Waldstein-Wartenberg (Hrsg.): Die Wappenbücher Herzog Albrechts VI. von Österreich. Ingeram-Codex der ehemaligen Bibliothek Cotta. Böhlau, Wien Selbstverlag 1990, (Jahrbuch der Heraldisch-Genealogischen Gesellschaft Adler Folge 3, Bd. 12, 1984/85).