Drag Reduction System
El Drag Reduction System (sistema per sbassà la resistenza de l'aria in ingles, breviad DRS) a l'è un sistema mitud in la Formula 1 del campionad del 2011 per
|
Quest articol chì l'è scrivud in lombard, con la Noeuva Ortografia Lombarda |
El Drag Reduction System (sistema per sbassà la resistenza de l'aria in ingles, breviad DRS) a l'è un sistema mitud in la Formula 1 del campionad del 2011 per sbassà la resistenza aerodinamega di viture e fà pussee ladin el sorpass in tra i viture, 'me ecezzion a la regola che la proibiss i aerodinameghe che se moeuven in la massima serie. L'è stad poeu mitud anca de la Formula Renault 3.5, del Deutsche Tourenwagen Masters, de la Super Formula e de la Formula 2 e 3.
Fonzionament
A l'è, in pratega, 'n ipersostentator che, se vert, el permet de sbassà la deportanza, roba che la volza la velocità de la mono-post e donca el volza la possibilità de passà l'auto denanz, menter quand che l'è serrad el permet de havégh pussee aderenza, roba bona in di curve pussee lente.
In principi, in Formula 1, el podeva vesser doperad indepertut, foeura che in di sit che per la FIA eren trop a ris'c per la sigurezza de la gara, menter del 2013 el po vesser doperad apena in di bande autorizade, che inn scernude de la FIA in bas ai possibilità de passà, e in gara el po vesser pizzad domà quand che la distanza con la vitura prima a l'è de un segond o manch.
A l'è ativad de 'n boton in sul volant de la mono-post e l'è disativad in automategh quand che se frena, e 'l po vesser no doperad in di prim du sgir de la partenza o de l'andà via de la safety car.
Ricezzion
La soa introduzzion a l'è stada assee controversa in tra quei che ghe pias el sport e i pilota, in tra quei convint che l'è 'na bona manera de fà pussee interessant el sport, quei convint che 'l resolv no la problematega sgeneral de l'aerodinamega in la massima serie e l'è no assee, quei che inveci pensen che l'è fallad, desgià che ghe permet no a quell che 'l se difend de doperàll. L'ex pilota Juan Pablo Montoya l'ha did che l'è tant 'me dàgh Photoshop al Picasso, menter 'l Sebastian Vettel l'ha did che ghe piasaria pussee tirà i pell di banane tant 'me in Mario Kart che 'l DRS.
Riferiment
Content Disclaimer
Informasi ini disarikan dari Wikipedia dan disajikan kembali untuk tujuan edukasi. Konten tersedia di bawah lisensi CC BY-SA 3.0. Kami tidak bertanggung jawab atas ketidakakuratan data yang bersumber dari kontribusi publik tersebut.
- The information displayed on this website is sourced in part or in whole from Wikipedia and has been adapted for the purpose of restating it. We strive to provide accurate and relevant information, however:
- There is no guarantee of absolute accuracy. Wikipedia is an open, collaborative project that can be edited by anyone, so information is subject to change.
- It is not intended to constitute professional advice. The content displayed is for informational and educational purposes only. For important decisions (e.g., medical, legal, or financial), please consult a professional.
- Content copyright. Wikipedia is licensed under the Creative Commons Attribution-ShareAlike License (CC BY-SA). This means that content may be reused with appropriate attribution and shared under a similar license.
- Responsible use. Any risk arising from the use of information from this website is entirely the responsibility of the user.