Carlo Torrighelli

Quella vos chi l'è orfena, o ben la gh'ha minga di conligament che riven de alter vos.

Meten dent almen vun che 'l vaga ben e toeu via quella vis chi.

Quest articol chì l'è scrivuu in lombard, grafia milanesa.

El Carlo Torrighelli (cognossuu pussee 'me C.T., Laven, 1909 - Milan, 4 de november 1983) a l'è staa 'n writer ante litteram attiv soratutt in la zona del Castell Sforzesch e de la stazion de Milan Porta Garibaldi a la fin di agn '70.

Attiv in la Resistenza de giovin, el s'è trasferii de Laven a Milan in del dopoguerra, indova che 'l s'è maridaa e el gh'ha avuu 'n fioeu. El tacca a partecipà a la sezion del Partii Comunista Italian de Porta Garibaldi, indova che 'l deventa 'n orator attiv, cognossuu per ripet finna a l'ossession di slogan e per ciamà i sgent cont che 'l parlava "popolo bue" ("popol bov").

El diseva de vess 'n ex-prevost ma a l'era, in realtà, on marmista in pension. Torrighelli l'ha vivuu per on poo de agn senza cà, finna a che dopo de l'ha passaa 'n quaj dì sotta Palazz Marin a protestà e a domandà 'na cà, el Comun el gh'ha trovaa 'na cà in la zona de la Moscova.

A l'era consideraa insemma al Ettore Gagliano 'n personagg del folklor meneghin de l'epoca, cognossuu sia per i sò slogan, che 'l pintava in su l'asfalt on in su di cartej, e per la soa attività de predica. El girava per Milan cont on triciclo, on carrett e trii can e 'n megafon e la pittura per dì e scriv i sò slogan.

L'è mort a 74 agn in la nott in tra el 4 e 'l 5 de november 1983, probabilment per arrest del coeur.

El Torrighelli a l'era famos per cred che in del Vatican (che luu el ciamava "el cler") ghe fussen di impiant a ond che mazzaven i gent e luu, malaa de silicosi, a l'era convint de vessen vittima, e 'l lanzava la midemma accusa ai Stat Unii e a l'URSS. 'Na part di sò slogan a l'è stada voltada in todesch e missa in sul mur de Berlin.

• Storia de Milan - CT

• Wikimedia Commons el gh'ha dent imagin o alter archivi su Carlo Torrighelli

• Emoscambi